脆辣雞腿包餐 + 巨無霸 (外賣) ( 9-AUG-2024 )

脆辣雞腿包餐 ($49) - 有一個包 + 蘋果批 + 中薯條 + 細薯條 (親子會)   我諗住減咗 $5 就唔駛 $40 啦   之後再睇張單先知自己買錯套餐   因為我根本唔想食蘋果批囉   我用咗親子會限定優惠減 $5 呀   因為以前減 $3 又係咁嘅樣   我無睇清楚以為係一樣囉   只怪自己大意

( 9-AUG-2024  FRI )

尋晚去完廁所出嚟   里奧大人望住我笑再話整鬼我   之後我話咩 ?!   佢話無嘢   咁我都好快瞓番了 ~

里奧大人今日番晏啲   所以我一個人食呢 ~

早餐食雞尾包   間唔中就好想食佢㗎喇 ~

家姐話點解得一個包嘅 ?!   妳一個人食 ?!   又話隻碟好細   影到個雞尾包好大個   哈哈

食完就煲薑茶比自己   之後靈修 25 分鐘就番工 lu ~

菇場唔忙   西瓜上工廠   今日又 3D   開心開心 ~

我覺得祛濕輕無咩料到   咁可能我只係食咗 1 樽啦   不過我都唔會繼續食   因為我想食目清素多啲

我唔小心跣手   將個暖杯蓋跌咗落枱   啱啱跌正落個杯蓋度   好在之前買多咗個杯蓋咋

問番里奧大人尋晚整鬼我啲咩 ?!   佢話擺咗隻熊貓公仔喺我個位   但我即刻拎開咗   佢諗住我會瞓埋落去   但我話完全唔知道自己拎開隻熊貓公仔呀   哈哈 ~

Lunch Time 出去   我過馬路嘅時候見到對面茶記阿姐同我打招呼   我都起碼 6 年無幫襯   估唔到佢仲認得我   不過我記我呢個阿姐係好好人呢 ~

其實諗住食完嘢就番菇場   不過家姐想我幫佢睇洗衣香珠價錢   咁就唔食嘢住喇 ~

行咗幾間藥房   但又唔確定係咪要嘅味道   所以家姐話唔好買住   咁我話如果要就星期一再去買囉   反正我會出去 ~

家姐問我食咩 ?!   我話想食粥   不過行到好熱   我驚食完更加熱   家姐好大聲話食粥 ?!   唔熱食粥都覺得熱啦   何況今日咁熱   唔好食粥啦   我覺得好笑囉   又唔係叫佢食   哈哈 ~

咁我諗唔到食咩   但又已經 12 點半   所以番菇場食 Flakes + 豆奶算喇 ~

阿花依家好鍾意嬋寶   頭先船頭同阿花講   妳嘅偶像嬋寶   我都忍唔住笑   因為里奧大人又係好鍾意咁講妳嘅偶像咩咩咩 ~

唔忙就做自己嘢喇   所以好快放工 ~

今晚食埋晚餐就同里奧大人去搞啲嘢   不過今晚好快搞掂   感恩感恩 ~

沖埋涼就休息下先   9 點就坐定定睇乒乓球男子團體決賽   中國對瑞典   估唔到瑞典咁勁   每次都係打夠 5 局先決勝負   所以預咗今晚又要夜瞓 ~

同里奧大人睇到好緊張   但我睇到 11 點 15 分真係頂唔順入房瞓覺   我話我唔睇就會贏   之後里奧大人無耐就入嚟話我係明燈   因為最後嗰局 11:2   哈哈哈哈 ~