焗三文魚柳 + 鮑魚扒唐生菜 ( 16-AUG-2024 )

( 16-AUG-2024  FRI )

今朝起身   里奧大人話發夢見到媽咪同家姐   但唔記得個夢係啲咩   我就發夢見到忌廉   佢介紹我比佢啲同事識啦   話我係佢幼稚園嘅同學   之後就鬧鐘響了 ~

我同里奧大人講話廁所盞感應燈間唔中就着   佢話係啦   盞燈太敏感啦   有時條毛巾郁一郁就開燈   因為之前嗰盞唔會咁囉 ~

星期五出去食早餐真係特別 Relax   其實因為知道聽日 Off   所以好開心   哈哈 ~

食完就去里奧大人公司坐陣就番工喇   經過 7-11   見到消毒濕紙巾好平   即刻 Whatsapp 比家姐睇   佢話好抵   所以即買 6 Packs   個袋當堂重哂 ~

菇場唔忙   又可以 Skype 喇 ~

Lunch Time 行陣再去食鯪魚球上海麵   之後再去惠康買嘢   買完都已經 12 點 40 分   係時侯番菇場喇   同埋個天已經開始黑   更加要快啲番菇場添呀 ~

阿齋請我食嘅

唔忙就 Skype 同做自己嘢   菇場又好鬼凍   真係點飲水都係凍      

放工即走   今晚里奧大人 6 點幾先放工   所以我要去超市買牙膏呀 ~

買 4 支指定牙膏 ($159.60) 就送咁多贈品   咁啱我就係想買牙膏呢   感恩感恩   

買完就即番屋企   好在今晚嘅晚餐夠簡單   咁就唔駛咁趕喇 ~

是日晚餐 - 焗三文魚柳 + 鮑魚扒唐生菜

焗三文魚柳 - 其實每人食 1 件都幾漏下   但 Share 食又太少   所以我次次食三文魚就唔駛食飯   咁就好啲 ~

鮑魚扒唐生菜 - 見親啲鮑魚就覺得好好笑   因為真係好細粒呢 ~

洗埋碗就開機洗衫   之後就做一陣小清潔   搞掂就即沖涼喇 ~

我一入廁所就 "呀" 咗一聲   里奧大人以為咩事呀   我話蠟筆小新毛巾好得意呀   佢肯定係等我洗碗嘅時候換啦

里奧大人話勁哥送比我㗎   呢排好多人送嘢比我呀   開心開心

雖然聽日 Off   但今晚都係 10 點半瞓覺 ~