沙茶醬炒蝦卷 + 菜心苗 ( 12-AUG-2024 )

( 12-AUG-2024  MON )

感恩一覺瞓天光   仲要係瞓到 7 點 25 分   咁都起身喇   里奧大人話鬧鐵未響就起身 ?!   我話都 7 點 25 分   早啲起身無問題   之後佢話佢都起身   要番公司做嘢 ~

早餐食丹麥酥   尋日家姐喺 A1 買比我嘅   佢啲吐司同丹麥酥真係唔錯   不過我好少行咁遠買囉 ~

家姐話食半個 McGriddles 都好飽   好在同同事 Share 喎   不過我都未食過   朝早真係好少去麥當勞食早餐

同里奧大人一齊番公司   我又可以靈修 25 分鐘先番工喇 ~

菇場超級忙呀   10 點半直頭餓到打鼓   要即刻飲包鈣思寶添呀 ~

我送比家姐嘅水樽   佢話鍾意呀   估唔到佢仲影埋相比我睇添

里奧大人直頭 11 點幾食飯盒   我即問佢覺唔覺今日特別餓 ?!   佢話今朝塊吐司輕飄飄   飲包奶茶頂住咁咋    我話以為食目清素酸酸哋加上忙到滕來膝去   哈哈 ~

忙到 Lunch Time 都未做完   真係無咩幾何 ~

雖然落雨   但都出去食水餃上海麵   因為好餓呀 ~

食完行陣再幫家姐買 2 Packs 洗衣香珠   我見到個盒前面嘅嘢郁咗   勁驚比人買哂   本身有 3 Packs   依家得番 2 Packs   好在家姐叫我買 2 Packs 咋 ~

殺菌衣物留香珠 ($106)

唔忙又繼續 Skype 啦   家姐好搞笑   問我點樣 Skype ?!   我就比張相佢睇   之後我話全世界人都知我 Skype 就係咁喇   哈哈 ~

放工即走   番到屋企即預備晚餐喇 ~

差啲唔記得食呢兩件蕃薯餅   家姐都話煙韌但好油   里奧大人又係咁講   所以下次都唔會再買嚟食了

是日晚餐 - 沙茶醬炒蝦卷 + 菜心苗

沙茶醬炒蝦卷 - 里奧大人鍾意食呢個餸   咁又好呀   因為我好想清埋樽沙茶醬呀   清哂之後就未必咁煮㗎喇   哈哈 ~

菜心苗 - 好多時想買唐生菜   但唔靚   又要買番菜心苗 ~

洗埋碗抖陣   7 點 45 分同里奧大人去做運動   今晚做 25 分鐘就夠喇   個人有啲攰 ~

開埋機洗衫就即沖涼   依家天氣咁熱   真係最想快啲沖涼 ~

終於忍唔住今日買咗   里奧大人都話呢個小新卡片套抵呀   同埋最緊要係真嘢   哈哈哈哈

原來仲有一包糖

今晚要食埋啲 Macaron 喇   里奧大人話好似有 6 個   哈哈

家姐 Whatsapp 張電費單比我睇   佢要交二千幾蛟電費   仲話同工人講咗叫工人比番啲   呢句好笑呀   哈哈 ~

不過我都係一千蚊電費左右   我記得最貴一次係一千六百   所以真係鍾意冬天多啲   唔駛開冷氣真係慳好多㗎 ~

呢排又係睇下奧運嘢同 BAO Family   今晚 10 點 45 分先瞓覺   我覺得夜咗呀 ~