6 點幾里奧大人約咗奶奶配眼鏡...順便食埋飯...而我就喺屋企繼續瞓覺
不過尋晚雖然唔係咁舒服...但都好開心...因為有線有好多旅遊節目...我次次睇親旅遊節目就好開心...因為真係好 relax...好似自己都去咗咁
今朝里奧大人又北上...所以我晏小小先起身番工...唉...真係無胃口...所以就咁喺 7-11 買支熱麥精 ($5.5) 番公司飲就算喇
家姐今日放假...所以晏晝就約埋媽咪...婆婆...工人一齊去翠園飲茶...食咗迷你桶飯 + 香煎韭菜粿 + 甫魚蒸燒賣 + (小心) 流沙包 + 鮮菌牛肉腸粉 + 桂花龍鬚旦散 + 豉汁蒸鳳爪 + 竹笙素粉果 + 蜆芥鯪魚球...難得咁多人食咁多點心...點知自己又唔係咁舒服...食唔到嘢...可惜可惜
晏晝都係坐喺度等放工...因為無力做嘢呀
沒有留言:
發佈留言