樣衰豬扒飯 + 菜心

做咗年幾...終於嘗試到忙嘅滋味...日日都係咁就好喇...人生真係變得好有意義呀
有嘢做 d 時間真係過得快...眨眼就到 5 點半放工...尋日即走喇...因為對眼真係好攰...之後去咗 panash 買條芝士包 ($13.5) 就搭車番屋企 lu...尋晚咩都唔駛買...因為一早買好咗...所以可以即刻番屋企
番到屋企就煲藥同開始預備煮飯喇...
是日晚餐 : 焗豬扒飯 + 菜心
焗豬扒飯 - 煎香豬扒...爆香洋蔥同番茄...然後再加半罐茄膏同一罐燜番茄一齊兜勻...之後用 3 隻旦炒飯...搞掂就將飯 + 豬扒 + 洋蔥番茄 + 芝士放入焗爐盆再放入焗爐...焗到芝士溶為止
菜心 - 拻 "衣"...唔想食起黎有渣
 南瓜粟米栗子豬展湯 - 係隔夜...因為我係事業型女性...無咩時間煲湯...所以一煲湯就會煲兩日嘅
當里奧大人一入門口就話做咩有酸 "叔" 味嘅?? 嘩...唔係化...唔好嚇我呀...我果刻真係驚係咪 d 豬扒醃咗兩日就發霉呀
之後我拎碟巨型豬扒飯出黎時...里奧大人就化驚為喜...話好香好正咁噃...但我覺得豬扒飯個樣好衰...d 芝士焗到燶哂...激 c
當我洗緊碗嘅時候...里奧大人居然話熨衫...我真係以為自己聽錯...原來里奧大人真係去熨衫呀...仲要係熨哂兩機嘅衫添呀...真係好感動呀...唔知下次仲會唔會唔駛我叫先做呢??不過都應該會嘅...因為凡事要向好果邊諗
                       
今朝里奧大人北上...細心嘅 尋晚已經買定芝士包比里奧大人做早餐...而我都係食芝士包 + 細包朱朱力奶...因為一條切開有 8 件....唔 share 就會食到人都顛
番到公司係咁不停做做做

晏晝又係帶飯...好悶