打牌 (住家飯篇)

尋朝 10 點半一定要起身梳洗...因為要去家姐屋企食飯打牌再食飯呀...雖然係家姐...但都要買小小嘢嘅...所以買咗脆豬肉乾 + 肉鬆旦卷 + 檸檬 + 八仙果比家姐
12 點半去到家姐屋企附近嘅海港酒家飲茶...食咗竹笙上素餃 + 奶皇包 + 鹹魚肉片飯 + 芝麻糊 + 藥膳雞腳 + 椰皇燉雪烚 + 蝦餃 + 炸雲吞 + 叉燒腸 + 濃湯芥蘭 + 例牌燒鵝 + 薄撐 + 濃湯鮮竹卷 ($260)...燒鵝正到不得了...諗住例牌 $50 會好小...但估唔到都幾多件...我都係第一次早餐就食燒鵝...勁呀...今餐家姐同里奧大人搶住請...但最後都係家姐爭嬴

之後就上家姐屋企 lu...家姐送咗聖誕禮物比我同里奧大人...我嘅禮物係 pm 鹽/胡椒粉樽...而里奧大人係 esprit 毛巾...家姐 d 禮物好啱用...因為里奧大人正想買毛巾出 trip 用...太好喇...2點幾開始打牌喇...打到 4 點幾好鬼肚餓...所以叫工人買下午茶...油醬多 + 奶油多 + 西多士 + 麥樂雞...我已經好穩陣寫低...點知原來果間餐廳嘅多士係有厚同薄之分...工人唔識...所以買咗厚...諗住過吓口癮...點知食到好飽...食完再打...打到 8 點幾就食飯 lu...今次打咗六個鐘十二圈...真係末夠喉...里奧大人慘咯...因為一家輸三家...不過我仲慘...我嬴得最多...嬴咗二百幾蚊...所以我要嘔番百五蚊比里奧大人...因為我曾經講過話我羸咗會 share 比里奧大人...嗚嗚嗚
又有住家飯食喇...青紅蘿蔔豬筒骨湯 + 白切雞 (沙薑辣椒紅蔥粒) + 美極煎蝦碌 + 蠔油冬菇豬手 + 蕃茄紅衫魚 + 炒菜心...原來呢餐飯要成五百幾蚊架...真係估唔到...出街食都得喇...不過...雖然同出面食係一樣價錢...但唔駛自己煮嘅無味精住家飯總好過出面食嘅味道飯嘅
真係唔明我家姐點解由細到大都好鍾意八哥...但我覺得八哥真係好肉酸...最慘係家姐養到佢地成隻豬咁...我要出盡九牛二虎之力先可以抱到佢...抱得耐都腰骨手腳都痛呀

9 點幾食完飯同媽咪一齊走 lu...
呢日真係好好好好好好好好好好好好開心呀...