蒜頭豆豉蒸排骨 + xo 醬炒脆肉瓜 + 臘腸 + 薑蔥蓉

尋日真係攰到不得可了...一下子對咁耐電腦...所以對眼好攰又濛查查...所以放工就即刻走喇...
坐車時唔覺攰...但中途就覺得好攰...當合埋眼諗住瞓與唔瞓好之間就已經進入熟睡狀態...真係好唔願意落車添呀
去到街市都仲係好似夢遊咁...所以求其買脆肉瓜 ($3) 就走番屋企 lu
是日晚餐 : 蒜蓉豆豉蒸排骨 + xo 醬炒脆肉瓜 + 臘腸 + 薑蔥蓉
蒜蓉豆豉蒸排骨 - 先爆香蒜蓉豆豉...然後放落排骨面再蒸...食起黎會香好多架. 
xo 醬炒脆肉瓜 - 本來想用蒜蓉豆豉炒...無理由兩樣餸都係同一味家嘛...所以就用 xo 醬黎炒...上次覺得唔辣...所以今次用咗兩大湯匙...點知辣到跳舞
臘腸 - 唔想駛多個鑊...所以問里奧大人怕唔怕肥...唔怕肥就放臘腸落飯面蒸...里奧大人話 good 喎...所以我減肥都豁出去...但估唔到蒸出黎嘅飯一 d 都唔油膩喎
薑蔥蓉 - 慳家餸...最緊要係可以用埋 d  陳年蔥尾...而我又超級鍾意食薑蔥蓉...就咁都可以食一碗飯架...因為食緊中藥唔可以食辣椒...唔係加埋指天椒仲正呀
hahaha...唔係自己讚自己...今餐餸真係又平又方便又好食
尋晚d時間好好用...可以睇一陣聖經先瞓覺...終於可以 11 點瞓覺喇
       
今朝好早番到公司附近...所以就去食早餐先喇...今次去另一間餐廳...食咗芝旦治烘底 + 熱朱朱力...$15...嘩嘩嘩...d 芝士係溶哂架...真係好好好好味

番到公司做到無停手...所以頸梗膊痛
晏晝帶飯...但都覺得好好食
好開心呢...因為有同事比咗我一包嘅明治朱古力橡皮糖 (草莓味) 呀

普天下當向耶和華歡呼. (詩篇 100 : 1)