豉椒排骨炒河 ( 10-jan-2012 )

( 10-jan-2012 tue )

哎呀   呢排好攰咁嘅   天氣又凍   咁樣真係好想瞓到 8 點半   但又唔想搭的士番工   咁倒不如早 d 瞓好過   但呢排都 11 點半先瞓   無計啦   想陪下里奧大人嘛   雖然佢做嘢   但都一路做一路傾   我覺得已經好開心架喇 ~

早餐食腿蛋治   其實無咩胃口   但唔知點解口快快叫咗腿蛋治囉 ~







菇場小忙咋   又可以 load 相   load 相 load 到暈咁滯呀   最慘唔係可以一次過盡情 load 嘛   又要縮細個 mon 喎   有人經過又要 close   真係頭暈眼花呀 ~

晏晝有 lunch box   食完又再 load 相   希望盡快了咗心事 ~

阿 head 每日 2 點幾 3 點就會出去接仔放學   so 我就最開心啦   無人喺後面昅住嘛   雖然佢唔會昅住哂   但話哂阿 head 喺妳後面都唔敢咁放肆呢 ~

同 8 卦 msn   無啦啦問我煮咗豉椒排骨炒河未   因為佢媽咪煮嘢好叻   咁佢咪幫我問佢媽咪點煮囉   之後成日問   咁今日都有 mood 煮嘢   所以放工去街市買河粉煮囉 ~  

是日晚餐 - 豉椒排骨炒河

豉椒排骨炒河 - 估唔到 d 粉炒出黎係散修修   好唔靚仔囉   我見條條河粉都滴哂油咁   咁無再落油炒啦   點知痴底   仲要用熱水洗餐死   下次都係唔煮喇 ~

今晚試阿表買比我嘅零食   越食越辣   正呀 ~

里奧大人 10 點鐘先番到屋企   之後開餐比佢食啦   再切埋蘋果比佢食   唉   晚晚做到咁夜   真係食咩都補唔番呀 ~