( 18-jan-2012 wed )
尋晚睇完醫生 醫生話有微燒 應該今日 d 燒就會發出黎 所以我今日都 S/L 喇 ~
9 點幾打番去菇場請假 之後都瞓唔着 所以整早餐食喇 ~
食完又執下零食柜 之後又煲羅漢果茶 因為今次 d 抗生素非常之巨 所以食得非常辛苦 好反胃 所以煲羅漢果茶黎送藥 又當水飲 我好怕有病飲暖水 食藥已經食到口寡寡 再飲暖水 真係超級極度好反胃呢 ~
難得有時間 所以沖完涼就覆下回應 覆覆下 d 藥就黎料 點知又瞓唔到喎 但其實好攰 ~
屋企超大風 真係好鬼凍 見又夠鐘食藥 所以煮出前一丁食喇 食完暖好多呢 ~
食完又覆下回應 呢次真係好眼瞓喇 所以 4 點鐘開始瞓 瞓到 6 點 足足兩個鐘 其實仲想瞓 不過驚夜晚瞓唔着 所以都係起身算喇 ~
里奧大人 6 點半要開 conf. meeting 又唔知幾點番 所以我自己煮個粟米湯飲先 因為夠暖身呀 ~
是日懶餐 - 粟米蘑菇蛋花湯
粟米蘑菇蛋花湯- 飲完暖笠笠好舒服呀 真係想飲咋 唔係我唔會開火煮嘢囉 求其食包就算 ~
家姐幫我買咗蘿蔔糕 所以就拎落黎比我 喺電話度已經問有無影子 d 零食 一黎到坐低即食啦 之後又食埋小寶最鍾意食嘅朱古力 我又同佢一齊食 nuts 好忙呀 ~
之後叫佢等埋我沖完涼先走 因為我頭暈暈呀 ~
里奧大人差唔多 10 點先番到屋企 但我又好想食嘢喎 所以叫佢買粉麵番屋企一齊 share 食 食完就食藥瞓覺 lu ~
沒有留言:
發佈留言