另類自家片皮鴨 ( 16-jan-2012 )

( 16-jan-2012  mon )

woo   尋晚 11 點就瞓 lu   所以今朝都幾精神   食咩都開心過人呀 ~ 

菇場又忙丫   所以好似好快肚餓咁   又食我最鍾意嘅燒賣 + 炒米粉喇 ~

食完又忙啦   之後無啦啦有 d 燒咁   因為個人覺得好寒   即刻沖杯 hot  lemon   好似好 d 咁囉 ~

放工即走喇   想快 d 買餸快 d 番屋企   番到屋企即探熱   原來已經 101.7 度   不過唔理喇   熨完衫就開始預備晚餐喇   之後叫里奧大人快 d 番屋企   因為我唔舒服想早 d 休息   所以佢 8 點即走喇 ~  

是日晚餐 - 另類自家片皮鴨

另類自家片皮鴨 - 其實點解整片皮鴨呢   就係因為之前買咗嘅  Tortillas 過咗期 2日呀   唔食唔得   所以咪買咗半隻燒鴨   1 條京蔥   2 條青瓜   1 樽甜醬整片皮鴨囉   手撕鴨 + 切絲真係用咗好多時間   企到腰骨都痺痺地   估唔到個 Tortillas 都好飽肚   我地食咗 4 塊要投降喇   留番 4 塊聽晚食 ~

等里奧大人食飽就叫佢摸我額頭   一摸佢就樣都變埋   知我發燒呢   我話我洗完碗就休息架喇   之後佢即刻同我再探熱   又要我食藥   沖涼唔好關門驚我暈   幫我吹頭   又問我有無喉嚨痛   我話有   佢又比念慈奄我食   又比水我飲   woo   招呼一流呀   之後我瞓到 11 點幾   佢又入房摸下我   見我個身熱辣辣又比藥我食   算佢啦 ~