雲南桂林過橋米線 @ 荃灣 ( 6-jan-2012 0.5 off )

( 6-jan-2012 fri )

wow   今朝又同 8 卦一齊食早餐   不過多數係我食到咁上下佢先打黎   咁都好   佢食嘢好快嘛   同佢同步食我就好有壓力   同埋我早餐唔想比自己食得咁趕嘛 ~

菇場又忙到爆炸   之前老友 "祝福" 我日日做到無停手   我話我最鍾意做嘢   依家真係好鬼忙   唔係咁邪呀嘛 ~

今日晏晝 off   半來約咗老友 tea 再去表妹度剪髮   不過佢最後唔得閒   所以我都買嘢去媽咪屋企食   坐到 3 點半就出發去荃灣呢 ~

我無咩方向咁   日光日白都好   夜媽媽真係有 d 驚   一落 van 仔就行千色店   但出錯門口   唔知出咗邊度   所以要行番入商場再出過   終於搵啱出口 ~

之後去瓜子大王買瓜子   都幾多人   不過好在我都買到一斤紅瓜子   買完再去正隆行買無花果同 nuts   超重呀   幾咁辛苦先行到表妹度呀 ~

去到有得剪   家姐 7 點幾到埋   但佢要等   所以同佢一齊落去食豪大大雞扒   wow   熱辣辣好正呀   之後再買珍珠奶茶   勁似喺台灣掃街呀   因為無留意之前點行   但我記得有間粥舖   咁我話我記得有間粥舖   所以同家姐講話行番粥舖果頭   之後我拎轉頭話邊度係粥舖   家姐勁笑話以為我知粥舖係邊呀   oh   我唔認路架   所以好怕去唔熟嘅地方呢 ~

上到去家姐等咗陣就有得剪喇   剪到差唔多 10 點   本來約好表妹一齊食   不過佢有個客仲整緊   所以我地都唔等佢喇   唔係 11 點都未食得呢 ~

同家姐食酸辣米線   但頭先食咗雞扒   我話 share 一碗算喇   如果家姐自己食一碗會叫大辣   就番我就中辣啦   點知我覺得中辣都好辣   食到個咀唇發麻   我要狂飲檸茶   咁家姐又唔覺辣   之後話呢隻辣係慢慢辣   越食越辣呀   嘩   我都食完啦   太遲喇   同埋佢話呢間我地之前食過   我又係食中辣   但食咗小小要人地比碗清湯呀 ~

之後一齊坐 van 仔番屋企   番到屋企都 11 點幾   但飲咗杯檸茶又唔係好眼瞓喎   好在里奧大人睇電視食零食無咁早瞓啫 ~