Riso Café @ 九龍灣 ( 25-jan-2012 年初三 )

芝士火腿腸意式燴飯

惹味焗薯角

法蘭克福蜜糖腸

莓子雜薈

( 25-jan-2012 wed  年初三 )

今朝 9 點幾醒咗又瞓唔番   所以自己起身蒸糕食   之後再熨衫   抹嘢   執嘢   整完再抹埋廁所再沖涼   woo   舒服哂 ~

之後就上網等里奧大人起身   佢差唔多 12 點先起身   所以我又再煎糕沖咖啡佢嘆喇 ~

woo   放最後一日新年假喇   所以都係出去行下   里奧大人本來想去荃灣   但我話驚舖頭未開   到時唔知行咩好   之後佢話入大埔   我話都好喎   順便探阿婆 ~

嘩   今日係 16 年黎最凍嘅年初三   我都覺得超凍呀   入到車廂都凍呀   一出車就仲更加唔駛講啦   又餓喎   諗住食冬蔭功河   點知餐廳又無開   不過搬咗出黎一年幾   大埔好多地方都唔同哂   我同里奧大人就覺得好有去旅行嘅感覺呀 ~

去咖哩至尊食 tea   之後再去買生果探阿婆   估唔到看更仲記得我地   仲出黎開門   如果我依家住緊果度 d 看更係咁就好喇 ~

去到見到阿婆健健康康真係好開心   佢仲話我知   我地之前個單位嘅阿婆   係度住越黎越精神   我聽到真係好開心   因為之前賣樓嘅時候   佢地 d 仔女話阿婆唔想住老人院   話想喺生日之前離開老人院   仍因為咁   我地又要好急咁搵樓   唔想令人地失望   不過好感恩係我又搵到自己鍾意嘅屋   阿婆又搵到自己鍾意嘅屋   所以真係好開心呢 ~

同阿婆傾開計   佢又想拎馬蹄糕比我番屋企   真係好感動呀   佢仲記得我鍾意食佢嘅馬蹄糕   不過唔拎啦   一陣仲要去街嘛 ~

話咁快又傾咗個幾鐘   差唔多 5 點半就走喇   同里奧大人行下附近商場   估唔到有 Log-On   但就超焗   行完我即刻要出商場吸新鮮空氣   雖然超凍   不過我唔想焗死   之後再行埋一田就走喇   不過無嘢行嘅 ~ 

同里奧大人搭番車出去都差唔多 7 點半   不過我真係唔太餓   但又唔想太夜食   所以同里奧大人去 Riso Café    share 一個餐就啱啱好喇 ~