外賣 @ 媽咪屋企 ( 11-mar-2012 )

馬拉盞炒通菜鮮魷

椒鹽豬扒

涼瓜牛肉

楊洲炒飯

( 11-mar-2012 sun )

今朝 10 點起身   之後去 Delifrance 食早餐   點知到我 order 時就咩都無  唉   不過算啦   有 9 折都抵嘅 ~

食完即刻番上屋企沖涼再番教會   崇拜完畢就番屋企   點知落雨   所以突然間好鬼凍 ~

番屋企拎遮之後就出尖沙咀行下   諗住食牛丸河   但落雨濕濕都係唔好   同埋架巴士又唔到   所以都係去星林居食米線喇 ~

我要中辣   里奧大人要小中辣   佢碗黎先嘅   佢食兩啖話好辣好辣   咁我當然話佢無鬼用啦   中辣根本係得果小小辣嘛   我平時食開知道嘛   咁到我碗黎咗   嘩嘩嘩嘩嘩   我食第二啖已經 "濁" 親  之後我覺得佢地比咗麻辣我地囉   不過呢排天氣濕   食 d 麻辣都好嘅   所以都唔叫佢換喇   我食辣其實無問題   不過就唔鍾意麻辣嘅辣   因為食完真係條脷都麻埋   好似無咩意思   但今次我盡量食啦   一路食一路流眼淚   仲流埋鼻涕添呀   里奧大人又食到眼睛水汪汪   又間唔中咳   我第一次食辣食到咁辛苦   我食咗 1/3 真係頂唔順   我好驚胃痛嘛   所以叫佢比碗清湯   里奧大人之後都要碗清湯呀   嘩   感覺差好遠啦   浸咗清湯就食得哂喇   雖然浸咗都仲有 d 辣 ~ 


我嘅魚皮餃 + 豬紅小鍋米線 ( 多蔥 & 中辣 )

里奧大人嘅豬腩肉 + 紫菜小鍋米線 ( 多蔥 & 小辣 )

青檸梳打

咩都貴哂呀   不過間唔中又好鬼想食佢囉

實實實實實在太辣喇   我話要去麥記食雪糕   食完米線又食雪糕   頂級飽呀 ~

食完又行 Habour City   不過商場好焗啦   越行越攰   最後行埋 Citysuper 就走喇 ~

我同里奧大人講話想探媽咪   佢話好呀   之後一齊坐巴士去媽咪屋企呢 ~ 

5 點幾去到   估唔到家姐都差唔多時間到呢   睇下電視   傾下計都已經 6 點幾   所以去酒樓買外賣番媽咪屋企食喇 ~ 

食下傾下   坐到 8 點半就一齊走喇   好鬼凍啦   好似得 12 度咋 ~

番到屋企即沖熱水涼   爽到爆炸   之後就同里奧大人一齊睇之前錄咗嘅 " 竊聽風雲 2 "   不過我覺得 " 竊聽風雲 1 " 好睇 d 咁呢 ~