蜜糖焗雞翼 + 蓮子紅豆沙 ( 16-mar-2012 )

( 16-mar-2012 fri )

終於 happy friday 喇   食個出前一丁餐   早餐食飽 d 真係人都開心 d 咁架 ~

今日家姐無啦啦 send sms 問我有無帶飯   佢好小會咁問   原來佢 off   但唔記得講我知   咁我話都係食 k 囉   所以佢話同我食 lunch   喺菇場樓下等我 ~  

但我同家姐又唔係話太餓   所以我話食雲吞麵   之後再去買麥當勞比姐夫   但我地就幫手食薯條   熱辣辣超正呀 ~

招牌雲吞麵 - 想食牛丸架   不過無   所以食招牌雲吞麵啦   話明招牌   理應唔會差得去邊   不過呢碗真係無咩特別囉   家姐食食下無啦啦話   街坊廚神應該特登幫佢地做宣傳   根本唔好食

炸魚皮 - 呢個好香脆喎   最怕有 d 好厚炒黎炸  

潮州粉果 - 想食 d 小食咋   不過唔好食囉

自家制醃蘿蔔 - 食評又講到好好食   但真係一般囉   完全唔會有驚喜  

之後送家姐搭車   經過 pizza 店   我話一陣睇下咩價錢   下次食呢間   咁我睇完就 send sms 比家姐   話 $48 同 $58   只可揀一樣主菜   咁佢問我有咩分別   我話無留意   又唔係食   問咁多做咩喎   佢話咁都得 ?!?!   覺得我睇咗同無睇無咩分別   嘩哈哈哈哈哈哈哈   又係噃   咁唔係食   我真係唔會睇咁多架   咁多嘢食點記喎   想食先再睇都未似啦   我自己覺得 ~

woo   又等放工喇   今晚唔駛買餸超開心 ~

咁我自己成日驚唔記得煲飯   所以好多時會煮定先   今晚超黑仔啦   我唔記得自己拎咗個芯出黎   居然倒哂 d 米落個電飯煲度   我拆哂 d 螺絲   諗住好易分體   點知原來好鬼實   同埋最慘點 fing 都得幾粒   打比老友   老友教我倒轉 fing   但真係無咩米出來   之後即打比里奧大人   估唔到佢突然間好體諒我   話我太攰所以先咁   唔係第一時間話我論盡呢   之後好在記得教友識整電器   所以即打比佢   佢話星期日拎比佢整呢   嘩   當堂放心哂 ~

里奧大人差唔多 8 點半就番到屋企   可以一齊食飯   好開心呀 ~  

是日懶餐 - 蜜糖焗雞翼 + 蓮子紅豆沙

蜜糖焗雞翼 - 好耐無焗雞翼   覺得真係好好食 ~  

蓮子紅豆沙 - 上次仲有紅豆剩   所以今晚煲埋去喇   難得有 mood 煮嘢 ~