住家飯 @ 媽咪屋企 ( 13-mar-2012 )

酸梅麵豉蒸黃立鯧

薑蔥麻香雞 @ 大家樂

梅菜蒸肉餅

炒菜心苗

節瓜瑤柱蠔豉瘦肉湯

Puff @ Italian Tomato


栗子蓉

( 13-mar-2012 tue )

依家搭巴士番工   見親都係差唔多同一班人   有兩父子啦   個仔係 3 歲嘅小朋友   同埋之前個站上車嘅婆婆  依家婆婆好好架   一見到佢地兩父子上車   就會讓自己個位比佢地   等佢地唔駛行咁遠   咁如果我上車見到佢地兩父子趕緊黎   我都會比佢地上車先   單手抱住小朋友都幾辛苦架   就係咁樣   我地依家見到面都會打招呼呢 ~

其中仲有 1 個女人又係同我差唔多時間搭車   我地都會打招呼   佢仲同我一個站落車   咁今朝我行行下見佢同我一個方向   都問下佢喺邊度做嘢咁啦   咁啱原來同一座大廈番工   住同一屋苑但唔同座   佢又同里奧大人一樣姓   又幾啱噃 ~

傾完之後我去食早餐喇   食秘制馬拉盞撈麵 + 熱檸茶   其實係印尼撈麵之嘛   唔明咩叫秘制囉 ~

番到菇場忙呀   有 d 攰   所以晏晝唔食 k   出咗去食手打牛丸米粉   坐喺我隔離係 3 個學生哥   最多 15 歲   佢地講開 NBA 賽果   有個學生哥話輸咗   唔係咁細個就賭錢呀嘛   但唔係賭又點會用 "輸咗" 黎形容先   唉   細路   讀好 d 書先啦   有 d 人想讀都無得讀呀 ~

又忙啦   忙到 4 點幾就可以等放工 lu ~

今晚番媽咪屋企食飯   因為家姐同事今日拎咗 puff   要請我食埋喎   所以就番媽咪屋企食飯喇 ~

同家姐坐到 8 點半就走喇   趕住番屋企睇 "on call 36 小時"   一番到屋企見到里奧大人食完麵   我唔番屋企煮飯就咁早番黎   真係邪呢 ~