Sambal Belacan 炒西蘭花豬柳 ( 19-mar-2012 S/L )

( 19-mar-2012 mon )

尋晚開咗冷氣瞓   諗住好舒服   點知反而熱到瞓唔着   所以我同里奧大人講話遲 d 先起身   又問佢熱唔熱   佢話好熱   同埋瞓得好差   今朝唔番工   咁我出房去廁所   估唔到廳仲涼過房   所以叫里奧大人即熄冷氣   之後我話我都唔番工喇 ~

瞓到 10 點半就醒喇   梳洗之後就出去食早餐   抖陣沖涼就出去尖沙咀拎藥喇 ~  

拎完藥再買埋菜   差唔多 2 點   諗住番上屋企   點知里奧大人打黎問我喺邊   話諗住去鴻星飲下午茶   我記得鴻星好似 2 點有下午茶   所以我都去攞位先 lu ~

平日同假日飲茶真係兩個世界   因為平日靜好多囉   超正   hea 到 3 點半就走喇 ~

我要去睇醫生啦   唔係無病假紙   不過我條腰都仲係痛   所以都真係要去睇醫生囉   順便去化驗所拎埋張 x-ray 片   話我有小小骨刺喎   問佢駛唔駛做物理治療   佢話唔駛   真係好痛好痛先做喎 ~  

番到屋企就執屋啦   難得有陽光就拖埋地   間屋終於又整齊番喇   好開心 ~

是日懶餐 - Sambal Belacan 炒西蘭花豬柳

Sambal Belacan 炒西蘭花豬柳 - $11 有 3 棵西蘭花   我覺得都幾抵   好過食貴菜心   本來諗住煮茄汁豬扒   但又唔想搞咁多嘢   所以就用阿表送比我嘅 Sambal Belacan 醬   一碟過算數   最緊要快   同埋唔駛洗咁多嘢呢 ~