釀青椒 + 冬蔭功湯河 + 韓國薯仔麵 ( 15-mar-2012 )

( 15-mar-2012 thu )

里奧大人上大陸就會 7 點起身   我尋晚又唔記得佢駛唔駛上   因為果排有時上有時唔上嘛   咁我仲以為係 7 點半   所以起身   咁里奧大人就問我做咩咁早起身   我話 7 點半架喇   佢話 7 點咋   咁我即刻瞓番   教咗鬧鐘 7 點 45 分先起身   都幾爽   其實平時都可以咁   不過食早餐得 15 分鐘   好似好趕咁   所以都係早 d 起身好 d ~

一出被竇好似好凍   但沖完涼又無咁凍   不過唔理喇   都係着件厚褸穩陣 d   攝一攝好鬼易病架 ~

問早餐食燒賣粉果   如果兩樣都煙煙韌韌就好啦   好在 d 辣椒油好香好辣   唔係我應該唔會喺度食早餐呢 ~

菇場忙咗陣就 hea 住等 lunch time 啦   又係 k + 藍莓乳酪   再睇下仲有幾多盒 k    好在得番 8 盒   應該好快清得哂 ~

尋晚買埋今晚餸   唔駛買餸真係好開心   喺商場行陣先番屋企   不過好怕一個人行街   因為好容易忍唔住手買嘢 ~

是日晚餐 -釀青椒 + 冬蔭功湯河 + 韓國薯仔麵

釀青椒 - 尋晚見 d 菜咁貴   幾大都唔買   買咗 2 份青椒 ( $12)   點都抵過菜   哈哈    今次又係好有心機煎   我自己食就咁點泰式辣雞醬   但里奧大人就鍾意蒜頭豆豉汁囉   所以又要特登整 d 汁比佢   唔係一陣又話乾又咁又咁承機唔食 ~ 

冬蔭功湯河 - 終於清哂喇   感動到有 d 想喊 ~

韓國薯仔麵 - 之前喺阿信屋買架   1 pack 4 包做緊特價   好似 $26.x   買咗 2 pack   口感都幾煙韌   不過無薯仔味嘅   湯底都 ok   如果係辛辣麵湯底就更加吸引啦 ~

里奧大人明明 7 點半打比我話走得   點知我 8 點打比佢   佢話又比人捉住   所以啱啱走   次次煮麵我都會打比佢   問佢喺邊   我先預時間煮麵   所以煮麵真係煩過煮飯好多呢 ~