卡邦尼忌廉濃汁煙肉意粉 + 香草蒜蓉包 + 黑椒豬肉乾+ 馬來西亞沙爹豬肉 + 煙三文魚 + 南瓜粟米紅蘿蔔唐排湯 ( 3-mar-2012 )

( 3-mar-2012 sat )

今朝瞓到 7 點 50 分   比平時瞓多 25 分鐘   但都好想繼續瞓囉 ~

一落車無耐又收到 8 卦電話約我食早餐   佢話試另一間   我實無問題   因為我都想轉下環境呢 ~

阿 head off   後面同事又無番   所以就可以 full screen 上網   發達啦 ~

1 點即走   去完街市就去超市幫菇場入貨   因為今日有雙倍印花   唔係家姐要印花   我真係唔會去買住囉 ~

番到屋企都 2 點幾   抖陣就同里奧大人出去食 tea 喇 ~

勁呀   將一塊麵包一分為二   所以好薄好脆  口感唔似食緊多士

今晚家姐黎我屋企食飯   所以我要煮 d 新嘢   4 點開始煲湯   之後就執下嘢   又預備其他嘢咁呢 ~

家姐差多 7 點半到   好在好多嘢都預備哂   一黎到可以即刻食呢 ~ 

是日晚餐 - 卡邦尼忌廉濃汁煙肉意粉 + 香草蒜蓉包 + 黑椒豬肉乾 + 馬來西亞沙爹朱肉 + 煙三文魚 + 南瓜粟米紅蘿蔔唐排湯

卡邦尼忌廉濃汁煙肉意粉 - 之前買咗樽卡邦尼醬汁   所以就整喇   同埋因為里奧大人唔多鍾意忌廉汁嘅嘢   平時好小會整囉   所以家姐喺度就整喇   因為佢可以幫手食呢 ~

香草蒜蓉包 - 1 條法包   加牛油  香草  蒜蓉一齊焗   真係非常之正呢  佢地話好好食   不過呢 d 無難度嘅   幾時食都可以整 ~

黑椒豬肉乾 - 我去街市買豬展   但要搞碎   豬肉佬話豬展搞碎會好韌   問我煮 d 咩   我話整豬肉乾   佢話應該用枚頭   嘩   好在豬肉佬教路咋 ~  

馬來西亞沙爹朱肉 - 之前喺馬來西亞買嘅沙爹   跟住黎整   不過我覺得應該落多 d 水好 d ~ 

煙三文魚 - 又係之前買架   特登等埋家姐黎食先開呢 ~  

南瓜粟米紅蘿蔔唐排湯 - 用咗一個南瓜 + 3 條甘筍 + 4 條迷你粟米 + $27 唐排   超甜呀 ~

食完就傾陣計   家姐差唔多 9 點就走 lu ~