魚肉釀泡椒 + 蠔油燜節瓜 + 糯米粟 ( 31-MAR-2015 )

( 31-MAR-2015  TUE )

尋晚瞓到半夜好熱   無啦啦隻牙又痛咗一下   唔知係咪熱氣呢 ~

天氣又係潮潮濕濕   好在唔係話太攰咋 ~

今朝無咩胃口   所以食啲甜嘢好啲   食食下渠王坐埋嚟   最驚見到佢   因為無咩話題   之後佢無啦啦問里奧大人係咪九龍灣做嘢 ?!   我話係啦   是但應佢就算 ~

菇場忙呀   未停過手 ~

今日有 Lunch Box   咁我今日負責叮飯   因為餓呀   哈哈   咁問阿齋做咩食咁少 ?!   之後佢又話本來唔覺得少   但比我問一問   又覺得少   咁驚唔飽   話落去買包超力米粉   我話我有存貨喺菇場   比包佢啦 ~   

食完出去行   因為頭先阿齋話百佳買超力米 $14.9/2 Pack 好抵   所以我又買 4 Pack   買到平嘢真係好開心   哈哈 ~

諗住做完抖陣   點知又要做 Report   嗚嗚   有排做 ~

放工即走喇   抖陣就開始煮嘢喇   今晚勁想徑步呀   所以我自己 7 點幾食先喇 ~ 

是日晚餐 - 魚肉釀炮椒 + 蠔油燜節瓜 + 糯米粟  

魚肉釀泡椒 - $10/2 包泡椒   個名好勁咁   佢話唔辣我先買咋   不過我食咗有幾隻都辣囉 ~ 

蠔油燜節瓜 - 清哂蠔油要緊呀   所以要煮節瓜 ~

糯米粟 - $12/3 條   上次去旅行食完   之後間唔中都想食   所以都係買嚟過口癮   但其實好滯   食完呢 3 條   應該一排唔會再買嚟食咯 ~

洗埋碗就抖陣   里奧大人 8 點 20 分打嚟話仲未放工   咁我都出去徑步 lu ~

唔經唔覺又經到 9 點   係時候番屋企喇   好鬼熱呀 ~

沖埋涼就睇聖經   之後諗住睇旅遊書   但里奧大人打嚟話就番到屋企   咁煮蕃茄米線佢食啦   咁夜佢無飯癮 ~

睇多陣電視   11 點幾瞓 lu ~ 

洋蔥豬扒 + 蠔油唐生菜 + 芫茜皮蛋魚片湯 ( 30-MAR-2015 )

( 30-MAR-2015  MON )

今朝仲係好攰咁噃   仲要係星期一   感覺更攰   哈哈 ~

早餐食飽啲   因為晏晝食麥皮 ~

菇場忙咗陣   之後又 Hea 下做下   時間過得好快 ~

Lunch 食麥皮   再加個細麥包   咁就啱啱好喇 ~

無啦啦又忙   好在放工前做哂 ~

去街市買餸   買完即番屋企即開機洗衫   之後即預備晚餐喇   因為里奧大人今日去上環見客   應該唔會太晏放工 ~

洗呀切呀   差唔多 6 點半里奧大人打嚟話見完客   咁我仲更加要開行 Turbo 煮嘢呢 ~

7 點半有得食   算快㗎喇 ~ 

是日晚餐 - 洋蔥豬扒 + 蠔油唐生菜 + 芫茜皮蛋魚片湯  

洋蔥豬扒 - 好想食呀   所以點都要整   今次買 3 塊薄豬扒   估唔到只係 $10   咁嘅份量就夠㗎喇   帶埋飯就啱啱好呢 ~

蠔油唐生菜 - 之前買咗幾枝蠔油   5 月到期   依家要清哂去喇 ~  

芫茜皮蛋魚片湯 - 里奧大人話熱氣   咁就整呢個下火湯   希望幫到佢啦   今次落兩豌水   但個色都好淡咁   已經買 2 扎芫茜喇喎 ~

勁攰呀   又熱喎   所以都唔徑步喇   喺屋企郁手郁腳當做運動啦   哈哈 ~

9 點沖涼   頂唔順要開冷氣喇 ~

里奧大人做公司嘢   我就睇電話   之後睇埋聖經就瞓喇   今晚 11 點瞓   依家要教番呢個時間瞓 lu ~

大家樂 @ 九龍灣 ( 29-MAR-2015 )

( 29-MAR-2015  SUN )

尋晚發夢同家姐 媽咪去行山   個山行極唔完咁勁恐怖   而里奧大人就發夢踩三輪車   但無力踩   要人推佢   好明確我哋對腳係好攰   發夢都係同對腳有關   哈哈哈哈 ~   

今朝 8 點半起身   出去食完早餐   沖埋涼   抖陣就番主日學 lu ~

崇拜完畢就去三聯買旅遊書   之後去麥記食嘢喇 ~

終於都用咗 2 張 Coupon   但仲有 3 張係 5 月到期   真係時間緊迫喇   因為唔係成日都想飲咖啡呢    

我呢杯係 "樂家杏仁咖啡"   又話買 1 杯有 1 粒樂家杏仁糖送   但我買嘅時候佢話已經送完喎   不過呢杯咖啡好鬼甜   我又加錢去到 M size 喎   真係好後悔呀   哈哈

我發覺自己好似放監咁   因為我勁想食薯條同蘋果批呀   我比啖蘋果批比里奧大人食   佢又係問我係咪食唔哂   之後我忍唔住問佢點解次次都咁問   佢話事實係咁   哈哈   

諗住買餸   但又好攰   里奧大人話出去食好過喎 ~

番到屋企   里奧大人就做公司嘢   我就熨 2 機衫   熨完都 4 點   之後喺梳化灘抖   點知瞓到 5 點   哈哈 ~  

6 點幾出去食   諗住去吉豚屋食壽喜燒   不過里奧大人熱氣呀   唔啱食   咁我想打邊爐嘛   咁去大家樂食算喇 ~

食完就番屋企抖到 8 點 20 分   之後又出去徑步喇   徑到 9 點就番屋企 ~

沖完涼就抖喇   我睇電視   咁里奧大人做多一陣公司嘢就搞掂   不過其實都已經 10 點 lu ~

今日都好攰下   所以 11 點唔夠就瞓喇 ~

愉景灣 -> 梅窩 + Cafeholic @ 東涌 (Part 3/3) ( 28-MAR-2015 )

Part 3/3

3 點半喇   仲繼續行緊   哈哈 ~

佢哋有運行啦   問我哋點樣去邊度邊度   我哋都搵緊路呀   哈哈   之後無啦啦同里奧大人講   你部相機係咩咩喎   阿奧話係呀   其實真係唔知比咩反應佢好   哈哈   

我叫里奧大人企喺度抖下 (有陽光嘅地方)   佢好大反應話企都唔企呢度啦   哈哈   之後自己行去唔曬嘅地方抖下   我同佢真係成身成臉都無汗㗎   人都顛

以為係黑板嗎 ?!

有隻烏鴉

繼續撐上去   因為已經 3 點 50 分喇   要快啲行  

滿地樹葉

上斜路   行極都係斜路

有人跌咗件衫 ?!

抖夠又行過啦    真係要行下抖下   唔係我會猝死 ~

估唔到 4 點左右終於到涼亭喇   不過我無上去睇呀   我實在好辛苦   哈哈 ~

之後有對男女問我哋點去梅窩 ?!   里奧大人話佢都唔識   哈哈   不過好在都係得一條路   最恐怖係個男仔話 GPS 話係挖頭路   但行行下又話唔係   咁即係我哋繼續行啦 ~

上條樓梯就可以去涼亭   

落山喇   但要行呢啲路囉   我最驚行呢啲路㗎   里奧大人知我驚   所以佢揀行山路線   一見到呢啲路就即飛   點知依家要行   哈哈

              

行咗 10 分鐘   終於見到 "天國的階梯" 喇   都真係好長囉   好在我哋由愉景灣去梅窩   唔係就大鑊喇   要我上咁多樓梯   又曬喎   我真係會放棄囉 ~   

落樓梯喇   因為表示差唔多到梅窩 

4 點喇   終於望到家鄉

好舒服呀

繼續行前行前又行前

我住呢間屋就一定會變宅女 

如果要我上樓梯就慘喇     

行咗 20 分鐘   又影下相   個鬼仔堅呀   行出去   我就咁望都腳軟

坐到咁邊邊位沉思

同女朋友一齊坐   畫面當堂 Sweet 哂   哈哈  

影到似天黑   哈哈

想影太陽    

影埋最後一張  

望多陣海  

又見到佢哋   我同里奧大人講   見到個女仔就覺得熱   里奧大人話關我鬼事   佢呢期最鍾意講關我鬼事   哈哈

個鬼佬鬆開條狗帶   之後隻狗行樓梯側邊呀   快就快   不過易碌落山啦   所以個主人即刻喝住佢   縛番條狗帶   佢又乖乖咁行番樓梯   原來我同佢哋都幾襯色   哈哈 

其實我無啦啦腳軟   所以叫里奧大人行喺我前面 

仲有排行呀

如果由梅窩去愉景灣   就係由呢度行上去   我企喺度影相嘅位置   只係成橋樓梯嘅
 1/5   我哋係由 2 點 20 分開始行   行度呢度位置係 4 點半   有個女仔喺我隔離行上去   我已經聽到佢扯哂氣喇   我勁想叫佢唔好行呀   哈哈      

日落 lu

點解仲未到㗎

我係想點呢 ?!   哈哈

5 點 45 分到地面

落斜呀   但我膝頭開始痛喇

行咗去唔知邊   總知有路就行   因為無指示牌   終於行下行下   行到好入   里奧大人話唔對路   咁入去一間屋度問人囉   間屋主人都奇怪我哋點會行到入嚟   哈哈   無計啦   一路行一路傾偈   之後行番出去碼頭方向   原來我哋係經過㗎   但唔明點解會向右行而唔係直行囉

終於到達真正想到嘅地方喇

老狗啊   行得好慢

我最鍾意嘅顏色

十架

里奧大人話左邊果棵係紅色   右邊果棵係綠色

好開心呀

有間 Resort 

5 點 35 分任務完成

5 點半行到梅窩碼頭   咁見 6 點有車去東涌   咁我哋去麥當勞買杯汽水   坐陣去埋廁所就坐車喇 ~ 

6 點 10 分有船   我唔想由中環去銅鑼灣食嘢   不過又唔想番九龍灣食嘢   所以去東涌

6 點準時開車   估唔到成架車 Full 哂   有啲仲要企添呀 

坐咗 45 分鐘   終於 6 點 50 分到東涌喇    

唔想去 Delifrance   所以去咗個商場睇下有咩好食   見呢間好似幾 OK 咁就入去喇   因為對腳好攰呀 ~ 

美國牛肋條雜菜焗飯 (咖哩汁) ($67) - 我唔鍾意呢啲咖哩汁   可能今日太熱   我想食辣嘢多啲

  
             

芝士珍寶焗飯 ($78) - 牛肋條 + 雞肉 + 豬頸肉 (咖哩汁)

凍鍚蘭奶茶 ( 餐 + $4 ) - 好飲呀   

                      

我哋入去食嘅時候無咩人   之後就坐滿哂   我覺得啲位好窄   其實係我肥   哈哈

食完抖陣就走喇   真係好感恩   因為我行行下   見到有巴士   不過唔知幾多號巴士   但唔理喇   同里奧大人講行快啲   點知一擰個臉   架 E22 喺隔離   我哋即跑呀   好感恩咁啱交通燈係紅燈   咁巴士站又近   我哋先追到架車   哈哈 ~

番到屋企叫里奧大人沖涼先   因為我要順便洗埋背囊 ~

真係無本事再郁   哈哈   只好睇電視同打機   所以又 12 點幾先瞓 ~