元氣壽司 @ 九龍灣 ( 19-MAR-2015 )

野菜餅烏冬

灸燒廣島蠔壽司 / 玉子壽司 / 羅勒香草赤海蝦壽司 / 海鹽赤海蝦壽司 / 牛油果軟殼蟹壽司

海膽壽司 / 海膽墨魚 / 芥辣八爪魚壽司

玉米蝦船

蟹肉三文魚籽丼

鵝肝壽司

炸蝦天婦羅壽司

 三文魚腩壽司 / 燒牛肋骨壽司 / 飛魚子壽司

海鹽左口魚壽司

蟹子沙律

炸三文魚皮

( 19-MAR-2015  THU )

尋晚又瞓得好好喎   真係好感恩呢 ~

今朝叫完早餐一陣   8 卦又 whatsapp 叫我幫佢叫埋早餐   係咪男人係咁心急嘅呢 ?!   因為里奧大人又係好鍾意要我叫定先 ~

菇場唔忙   老闆同大粒又唔喺度   勁 free 呀 ~

阿齋好鍾意食濃味嘢   咁今日佢叮飯嘅時候   佢聞到好香   之後開我個飯盒黎聞   咁到食飯嘅時候   佢係咁讚我飯盒好香好香   問我點整嘅時候   見佢係吞緊口水   之後叫我快 d 食哂去   唔好比佢再聞到   因為佢好想好想食喎   勁搞笑 ~

食完出去行陣   行咗半個鐘就番菇場喇 ~

上網寫 blog 等放工   今晚同媽咪 家姐去元氣   不過元氣好小卡位   所以我要早 d 到呢 ~

去到都要等呀   等咗 10 分鐘   差唔多 6 點就見到媽咪   佢去美心買蛋糕   又去埋廁所   6 點半先入到黎   咁我就即刻拎 d 湯呀   皇帝蕉同魚番屋企先 ~

搞掂哂又去番元氣   家姐差唔多 7 點先到   所以一齊開餐喇 ~

食到 8 點幾   里奧大人啱啱放工   咁我話送埋媽咪家姐搭車再約佢 ~

送埋媽咪搭車   我就叫家姐去買件薄褸   因為我頭先經過見到呢件薄褸   覺得家姐實鍾意   佢真係鍾意喎   呢個時候買褸買 boot 係最抵呢 ~

送完家姐搭車   里奧大人已經差唔多喺九龍灣   佢話想食豉椒牛肉炒麵   咁就去叙苑拎位喇 ~

9 點幾番到屋企就即開機洗衫喇   今晚唔徑步喇   沖埋涼就睇電視 ~

又睇 Just for Laugh   因為用電視睇   咁好多畫面都好濛   所以終於明白點解咁好瞓啦   哈哈   今晚又係差唔多 12 點先瞓呀 ~