飛魚子軍艦 / 珍味廣島蠔壽司 - 好耐無去板長 今次好有驚喜 紫菜好新鮮 d 飯又係好新鮮同埋有醋味
蟹捧壽司 / 一口帆立貝壽司 / 三文魚壽司
蝦天婦羅壽司
劍魚腩壽司 - 好耐無食 好味呀
安康魚肝軍艦 - 又係好耐無食 諗住食 2 件 但得番 1 件咋
( 16-MAR-2015 MON )
嘩 真係勁勁勁勁潮濕呀 d 霧遮咗半棟大廈 我覺得無風先最攞命囉 ~
早餐食醬占多 即刻諗起里奧大人姐夫 話說姑奶話自己整醬占包 一樽花生醬同占有排食 但姐夫話唔係囉 姑奶話點會呀 ?! 終於有一日終於明白佢老公點解會咁講 因為佢搽醬同占嘅份量係同麵包一樣厚度 麵包最薄都有 1cm 咁即係醬占包變咗 3cm 啦 里奧大人都親眼見過佢咁搽花生醬架 有次直頭話見佢"北" 花生醬食添呀 我覺得好痴線囉 好滯家嘛 ~
喺菇場做埋 report 就寫 blog 寫咗陣又有嘢做 oh ~
雖然有 lunch box 不過又唔係咁想食 所以食得超勁慢 哈哈 ~
做到 3 點就搞掂哂 又寫 blog 整下相 時間過得勁快 眨下眼就放工 lu ~
今日里奧大人 3 點去石門見客 所以 5 點半番到九龍灣 咁我好感恩 5 點 45 分到大家樂 可以陪佢食 tea 我問佢係咪去完大陸之後 有咗不停食嘢嘅習慣呀 佢話因為頭先趕住番公司整嘢 所以 lunch 食咗好小嘢 咁咪食 tea 囉 ~
番到屋企抖陣 7 點去旅行社拎資料 之後去將軍澳有嘢搞 順便食埋嘢喇 ~
今晚食嘢嘅時候 坐喺我隔離嘅一家四口真係好經典 一坐低爸爸就拎就 tab 帶住 earphone 睇戲 兩個仔就玩手機 阿媽就睇 menu 最奇怪係各自睇各自叫囉 咁 ipad 可以加數量係好方便 但點解唔一齊睇一齊叫呢 到食物上枱 佢地都係一路睇一路食 無講嘢架 咁一齊食飯真係好無意思囉 ~
搞掂哂都 11 點 番到屋企即沖涼喇 睇多陣電話都 12 點幾 要瞓喇 ~
沒有留言:
發佈留言