雪菜肉絲湯麵 + 大眼雞 + 唐生菜 ( 17-MAR-2015 )

都好厚肉   最鍾意啖啖魚肉

( 17-MAR-2015  TUE )

尋晚開風扇瞓   但里奧大人話佢尋晚瞓到半夜熱醒   成個額頭都係汗   之後摸我額頭   我又無汗架喎   不過佢最後都開咗冷氣   咁樣會瞓得好 d   太熱真係瞓唔到架   咁我話尋晚我瞓得好林   因為我唔知知摸過我呢 ~

早餐叫奶油多   但比錯咗奶醬多   咁是但啦   反正都係想甜甜地啫 ~

菇場唔忙   老闆同所有大粒都唔喺度   勁正呀 ~

唔想又飲奶茶咖啡   所以買酸辣米線   好耐無食喇   勁好味   阿齋話經過我個位先知我食酸辣米線   因為我以前一食酸辣米線   佢實知   因為佢實聞到   但今次無咩味   同埋佢話見我碗米線唔似辣   哈哈   我話係小辣   不過我都覺得都辣辣地喎   因為食完有 d 喉嚨痛添呀   依家真係唔食得太辣 lu   咁都好   無咁傷身   哈哈 ~

上網又寫 blog   對眼勁攰   但時間就好快過囉 ~

放工去街市買餸   番到屋企都 6 點半喇   要即預備晚餐同埋開機洗衫 ~

里奧大人 7 點半放工   咁等埋佢先一齊食喇   因為我仲未餓 ~   

是日晚餐 - 雪菜肉絲湯麵 + 大眼雞 + 唐生菜

雪菜肉絲湯麵 - 上次喺大陸飲咗個野菌湯   覺得超好味   所以我又加咗十幾隻秀珍菇做湯底   不過其實係無味嘅   哈哈   因為份量咁小   有菇味就驚喇   之前食唔哂 d 雪菜   今晚清埋去   依家百物滕貴   真係唔會嘥嘢咯 ~   

大眼雞 - 媽咪上星期四比我架   係時候要清埋去喇 ~  

唐生菜 - 我想食菜   又爛得又浸又拻   所以煮唐生菜囉 ~

搞掂哂   同里奧大人 9 點 25 分出去徑步   又係徑 2 個大圈 + 2 次晨運徑   差唔多 10 點 10 分先番到屋企   要即沖涼呀   因為出哂汗   之前就咁徑步係無汗   但依家行埋晨運徑就有汗出   勁正 ~

睇陣電視   11 點幾瞓喇 ~