菜甫肉碎炒銀針粉 + 菠菜 ( 9-MAR-2015 )

( 9-MAR-2015  MON )

仲係潮濕天氣   今星期唔駛講   下星期仲勁潮濕   相對濕度係 80%-100%   救命 ~

餓呀   食芝蛋治烘底   但食完又即刻好鬼滯   哈 ~

菇場忙啦   忙咗半日   終於可以抖抖 ~

Lunch 出去食粥   之後就行陣   好似好耐無行過咁   無計啦   天氣唔好   無 mood 行囉 ~

又係忙下停下   放工就番屋企 lu ~

頭先 4 點幾喺菇場食咗粒超甜朱古力   之後開始想嘔咁   番到屋企仲暈暈地咁添呀   所以抖陣先浸菜   7 點開始煮嘢喇 ~   

是日懶餐 - 菜甫肉碎炒銀針粉 + 菠菜

菜甫肉碎炒銀針粉 - 今晚一定要煮啦   d 嘢尋日已買定嘛 ~

菠菜 - 其實唔想煮菠菜   因為好多泥   要洗要浸好耐   星期一唔應該煮呢 d 菜   應該煮生菜   哈哈 ~

里奧大人番到屋企都 8 點半   我都唔徑步喇   唔係好舒服咁   所以搞掂哂就即沖熱水涼   好似舒服咗 d 咁 ~

依家無咩電視好睇   所以都唔駛開電視   咁樣反而 d 時間好好用咁喎   同埋可以專心做一樣嘢 ~

又係 11 點唔夠就瞓   其實幾好丫   但 d 人成日話太早瞓   我真係唔覺得係早囉   係正常入睡時間呀   哈哈 ~