西洋菜餃 + 韭菜餃 ( 外賣 ) @ 屋企 ( 1-MAR-2015 )

( 1-MAR-2015  SUN )

今朝我 7 點起身去廁所   順便開機洗衫   之後點都瞓唔到   所以 8 點都起咗身 lu   因為我一次過瞓足 7 個鐘呢   就會好精神   但里奧大人未起身   所以我出廳做家務   唔係我郁黎郁去   里奧大人仲瞓得唔好 ~

8 點半鬧鐘響喇   落去食早餐   番到屋企沖埋涼   抖陣就番主日學喇 ~

今日約咗家姐去 fat fat 屋企拜年   但 12 點 50 分仲未食得主餐   所以都唔食喇   因為約咗家姐 1 點喺的士站等   其實本來係約咗 12 點 45 分架   所以唔想再約到 1 點 15 分囉 ~

打的好快到 fat fat 屋企   坐下傾下   又食湯丸   講明淥 1 包好喇   因為上年淥咗 2 包   食到我地勁飽   哈哈   同埋家姐話要食傷心酸辣粉嘛   所以要留肚 ~

坐到 2 點 45 分就走喇   去食傷心酸辣粉   今次家姐真係好傷心囉   大辣都唔辣   哈哈 ~

皇牌口水雞

夫妻肺片

滷水拼盤

傷心酸辣粉 ( 小辣 ) - 我同里奧大人嘅

傷心酸辣粉 ( 大辣 ) - 家姐嘅   我試咗一啖   只係鹹字   個侍應話大辣係咁架喎   食到鹹先係正宗   但我話無麻嘅感覺喎 ?!   鹹到苦就試過   但辣到鹹真係第一次試囉   最後都要咗碗清湯   太鹹根本入唔到口

成片紅海   恐怖

食完就各自走喇   里奧大人去幫姐夫買紅米 Note   咁我就送家姐搭巴士   好感恩去到即有巴士呢 ~

叫里奧大人買電話係最好   佢會提供一條龍服務   即係買完電話再買保護貼   再去鴨記買埋電話套就大功告成喇   yeah ~~~~

我話想買圓方餃子   所以又去番福華街   咁買完就搭 van 仔番屋企喇 ~

里奧大人自己落車先   我要去街市買菜呀 ~

嘩   今日有 d 熱   所以番到屋企都要抖陣   同埋無啦啦好攰   勁唔想煮喇   但因為冰格爆哂   唔煮唔得   哈哈 ~

7 點半食得   8 點 45 分去徑步   又見到 Ivy 兩公婆   係咪咁啱呀   傾咗 10 分鐘就走喇 ~

今晚仍然有 d 攰   徑到 9 點半就番屋企 lu   沖埋涼   睇下報紙   11 點幾瞓 lu   好在都眼瞓   因為飲咗黑茶   買嘅時候講明無咖啡因   所以先買  同埋先敢夜晚飲茶呢   哈哈 ~