今朝 8 點幾都醒醒地 但懶床都 9 點半都起身喇 ~
落去食早餐 番到屋企就沖涼 抖陣就去青衣行山 ~
不過里奧大人後尾上網搵到由愉景灣行去梅窩 話好似唔錯 又唔難行 所以最後決定去梅窩喇 ~
搭 619 再搭 603 去中環碼頭 12 點 20 分去到碼頭 咁啱船開 12 點半 所以就去愉景灣喇 其實我地仲有個選擇 就係由梅窩去愉景灣 路程都係一樣 只係由梅窩去愉景灣一個要上 "天國的階梯" 咁愉景灣去梅窩就落 "天國的階梯" 咁呢 但就要去到碼頭睇下邊度有船先囉 ~
嘩 船飛要 $40 我覺得好貴呀 哈哈 去長洲都好似係 $2x 之嘛 ~
架船都無咩人坐 所以真係準時 12 點半開船 12 點 55 分到愉景灣喇 勁快 ~
實在太感恩喇 12 點半開船 ~~~~
船到喇
好多獨立屋 唔知係邊呢 ?!
d 屋好靚呀
又唔多似住宅咁噃
落船 其實無咩人去愉景灣
到愉景灣喇
好舒服呀
搵食先 ~~~~
燒雞肉沙律
咖哩魚肉炒飯配沙律
個 waiter 問要唔要 spicy 我話要 點知辣到痴巾 嗚
芒果奶昔 - "杰撻撻" 好香芒果味 正呀 哈哈
2 點 15 分開始行 里奧大人頭先上網睇咗點行 諗住跟人行 但行行下又唔似係去梅窩方向 所以問個 secutity 佢教我地點行 真係唔係佢教 完全無諗過係呢個方向 哈哈 因為無人行去果個方向嘛 ~
我其實好驚海
開始行 ( 搵 ?! ) 喇
隻狗好靚呀
佢地唔知去邊度呢?
上網話沿住海灘行
好喇 又行喇 又開始覺得唔對路 咁里奧大人問個伯伯點行 伯伯教完我地點行 我地自己行啦 點知行行下好似走咗 d 私人地方咁 因而完全無指示 所以真係好難搵 里奧大人諗住打道回府架喇 點知行番出去又見到頭先位伯伯 佢話我地咁行係啱架 再教我地點點點點行 咁後尾見到有人行 咁就無咁擔心喇 哈哈 ~
終於見到指示牌喇
因為見到有人晾衫 所以驚行咗入去 d 私人地方 同埋覺得呢 d 地方實有人養狗 一陣樸出來就嚇死我都似
綠色邊 好似西瓜皮 哈哈
我覺得好恐怖 @@
繼續行
指示非常非常非常之清晰 好在我地正想放棄嘅時候 見番頭先教我地行嘅伯伯呀 感恩感恩
2 點 50 分喇 都唔知幾時先行到去梅窩 又曬喎
真係一不留神 就 miss 咗呢個指示牌呢
行呀 ~~~~~~~~~~ 其實我件衫已經濕哂
三笠子..早呀! 依排落雨落到癲左~又濕又熱好鬼煩
回覆刪除好似堡壘果間係迪士尼樂園酒店呀
個伯伯神出鬼沒..好似成日都撞到佢咁既(哈哈)
四四笠 早呀 ~~~~
刪除係啦 呢排一係落雨一係焗熱 真係人都顛 ~~~~
妳講得啱呀 行行下又見到伯伯
講真 如果係夜晚 我就真係驚驚地 哈哈 時間實在太巧合嘛 係咪先 ?!