客家好棧 @ 九龍灣 ( 10-MAR-2015 )

家鄉炒陳村粉

我覺得似個 "容" 字

四喜烤麩

鹹菜豬肚湯

極品麻辣土雞煲 (小辣 )

( 送大碗盛菜一份 )

( 10-MAR-2015  TUE )

今朝 7 點半起咗身   整下 d 衫先刷牙   聽到有音樂聲   以為邊個喺度開機開到咁大聲   之後細心 d 聽   d 音樂好熟   原來係屋企部手機響   係里奧大人打黎叫我起身   因為之前佢上大陸果日   我個鬧鐘 shot 咗   佢驚我唔知醒起身   哈哈 ~

行天橋嘅時候   見到有個背影好熟   原來係 Ivy   我行上前搭住佢膊頭   搭住佢行咗幾步喇喎   佢居然無反應   咁叫佢啦   佢話頭先以為係手機震   咁我都見到佢想喺袋入面拎嘢   哈哈   真係無諗過咁都見到囉   同佢真係好有緣   咩時間都會見到咁 ~

依家 van 仔加咗價   反而 d 車無咁密   無以前咁多時間嘆早餐   不過其實都有半個鐘嘅   但我想有多 d 時間睇報紙囉 ~

估唔到老闆同大粒上哂大陸   勁 free 呀   即刻勁 resize 相 ~

食埋 lunch box 就出去行   難得唔係咁潮濕嘛 ~

番到菇場仍然 resize 相   眼都濛埋   勁攰呀   哈哈 ~

勁凍呀   好似冬天咁   雖然天文台話會急降 9 度   但無諗過會係咁凍囉   因為呢幾日都係熱熱地咁嘛 ~

今晚約咗媽咪 家姐食飯   媽咪 6 點鐘就到咗客家好棧   不過我好攰   抖到 6 點 20 分先落去呢 ~

媽咪煮咗冬菇排骨比我同家姐   又買咗龍眼 皇帝蕉 蟠桃同埋 2 條大眼雞比我同家姐   本來比埋鯧魚我架   不過我唔要啦   懶得煎呀   哈哈 ~   

家姐 7 點唔夠就到喇   食到 8 點幾就走   送埋媽咪搭車   再送埋家姐捨車就番屋企喇 ~    

里奧大人話 7 點唔夠已經喺上水   咁食埋嘢先番黎   諗住一齊去徑步   點知落毛毛雨   咁唔徑得啦   唯有改喺屋企做保健操囉 ~

沖埋涼就抖   今晚又可以睇 HKTV 劇集喇   之後佢 d 劇唔好睇   真係唔開電視架 ~

睇咗陣聖經   11 點唔夠就瞓 lu ~