城門水塘 + 正宗山西刀削麵皇 @ 荃灣 ( 17-DEC-2016 )

麻辣燻蹄 - 我就咁叫呢個小食算喇   真係食唔落碗麵   不過越食越辣   真係要食啖麵黎沖淡啲辣味   哈哈   

麻辣豬扒刀削麵 - 2/3 係骨   鍾意啖啖肉嘅人就唔啱咯     

生菜

( 17-DEC-2016  SAT )

今朝 9 點半自然醒   咁沖涼刷牙落樓食早餐 lu ~

本來諗住食輕盈早餐   去到荃灣再食碗粉麵先行山   但其實兩個鐘頭內根本食唔到兩餐   所以都係早餐食飽啲 ~

食完番屋企抖陣就出發   搭小巴去荃灣真係好方便   因為有得坐   哈哈 ~

去到荃灣就買定 2 支茶   之後去搭小巴   無諗過 12 點都咁多人去城門水塘   我地要第 6 架先上到車   咁邊等小巴邊等的士   等到第 2 架都可以上車   就唔等的士 lu ~

之後望到前面有個人好熟面口   原來係阿喂   佢剪完頭髮過嚟裝下我哋   好在佢嚟咗咋   教我哋行另一邊   只係行平路   大約行 4 個鐘左右   咁就啱哂我喇   同埋里奧大人都唔想我上斜   驚我耐無行   會好攰   呵呵 ~

1 點唔夠就去到城門   今次都無帶相機   所以行得好輕鬆 ~

今次行得好舒服   感恩又唔曬   但沿途就無咩風咁囉   行行下直頭覺得熱添呀   哈哈 ~

今次聽阿喂指示   由燒烤場開始行   行到條壩嘅盡頭就轉左行   

5 隻馬騮

沿途都有馬驑   里奧大人話影兩張好走喎   唔係一陣攻擊我   頭先見到有人拎食物出嚟   有個男人用行山扙隊隻馬騮   我同里奧大人講話嚇下就算啦   好似想隊死隻馬騮咁

好大對眼睛 

呢日無咩太陽   但同時仍都無咩風   不過我寧願唔曬喇   里奧大人無搽防曬   好驚佢再曬傷條頸呢  

睇下點行   好在唔係靠我   我指錯咗紅色線位置

好多狗仔散步

1 點半行到呢度 

我鍾意行呢啲樓梯   

今次個背囊好輕   因為無拎相機   再睇埋前面兩位人兄個背囊   我覺得自己好似無拎嘢咁添

呢兩公婆同我哋差唔多時間一齊行呢   咁我讓路比佢哋行先   佢話佢哋都係慢慢行㗎   其實里奧大人同我行山都唔可以快   我次次話抖陣   佢都好樂意停低   仲係咁叫我抖耐啲         

呢個位就有少少風喇    

無行山扙就行得慢好多啦

行下行下   好快就 2 點   其實我次次行山   基本上可以唔食嘢   但今次試下食朱古力   夠哂熱量   應該會好力啲啲   哈哈 ~

我都係一路行一路食朱古力   因為真係唔餓   里奧大人就勁喇   已經食咗個細提子包   再加埋呢 2 條腸   

我同里奧大人講話我有哂行山裝備   好想做毅行者   之後佢就講唔知咩   最後就話我係毅行豬呀   哈哈   佢同阿 mi 都好鍾意叫我乜豬物豬㗎 

人矮   望嘢都少啲   哈哈

好少近望呢度呀

見有人喺下面坐   不過要行條爛樓梯   我唔敢行   所以叫里奧大人落去睇  

就係咁喇 

里奧大人縮住雙手咁嘅動作上嚟   以為佢整親隻手   原來佢話唔想捉住啲樹木   驚整污糟隻手喎

行下行下   已經 2 點 15 分 lu

睇下自己喺邊個位置先  

行呀行   Click 咗 2 次   但 Click 完第 2 次之後   個膝頭哥好痛呀   落樓梯更痛   所以要里奧大人幫我練練佢   同埋真係要抖抖 ~      

又見到嗰兩公婆喇

好似一條魚

3 點 lu  

我哋行行下   見到兩隻好大嘅馬騮喺度叫   個樣好有攻擊性   我叫里奧大人拎支行山扙   有咩依郁可以嚇下隻馬騮   佢反轉支行山扙嚟拎   話咁就唔會隊到啲馬騮   突然間覺得佢好有愛心呀   哈哈   最後我哋等成 2 分鐘   佢哋先施施然喺我哋面前繼續行咋

 

我同里奧大人話向右行   

但原來係向左邊行先啱   好在佢唔信我   哈哈   

枯葉形狀好似毛虫 

落斜喇   我膝頭哥痛呀   所以要慢慢行

諗起上次同阿表阿 mi 一齊喺度食嘢   之後比牛牛跟住   呵呵 

差唔多望見家鄉 lu 

好多心型葉

里奧大人話寫住荃灣   我話完全無留意呀   哈哈

企喺咁嘅位置   我真係望唔到 "荃灣" 兩個字  

開心到跳起   

見到兩隻牛   

4 點 15 分到小巴站   好多人等車呀   不過有啲人等等下唔等   行路落去搭巴士   本來要等 5 架先上到車   佢哋一走   我哋變咗等第 4 架就可以上車   呵呵

4 點 15 分落到小巴站   今日行咗 3 小時 15 分鐘   如果我唔係上樓梯要抖下   咁行得仲快   呵呵 ~

等咗 35 分鐘小巴   我膝頭哥痛呀   唔係都想行落去坐巴士落荃灣 ~   

今日阿 mi 番娘家食飯   如果唔係就搵佢晚飯啦   難得來到荃灣   叫里奧大人不如去表妹度剪髮   咁表妹叫我 6 點鬆啲到   我地 5 點幾已經到佢舖頭   不過佢有客   咁我哋去食啲嘢先 lu ~

@ 大廚巴巴

咖哩魚蛋 $10/7粒

手抓餅配咖哩   好似 $20   熱辣辣好正   我覺得唔蘸咖哩仲好味   其實我唔係咁鍾意麵包類蘸醬汁㗎 

諗住今晚去金坊   但食完小食之後都有啲飽   咁唔去金坊喇   同埋驚剪完頭髮都 7 點幾   一定多人等囉   之後里奧大人話食刀削麵   咁好啦   但我話如果佢一早話食刀削麵就好啦   唔駛食完小食又食麵咁飽   哈哈 ~

我哋以後唔會再去呢間刀削麵食嘢   因為啲侍應真係超級無禮貌   其實我落 Order 時已經覺佢哋黑口黑面   不過費事同里奧大人講啦   咁里奧大人比完錢之後就話以後唔再嚟   佢話個侍應非常之無禮貌   找錢比佢嘅時候   望都唔望佢   就咁 Fing 番啲錢比佢   咁個侍應又衰啲喎   連基本服務態度都無 ~

食完就搵表妹剪髮   時間啱啱好   佢話佢都係啱啱食完個米粉   頭先話買嘢比佢食   佢係都唔要   咁我話就咁食齋米粉 ?!   佢話黐咩   梗係有餸啦   車   咁問妳兩次都話食米粉嘛   以為真係咁齋嘛 ~

一路剪一路傾   佢又問我下年去唔去曼谷   想我幫佢買拖鞋   原來佢想要嘅拖鞋質地係 Marriott 拖鞋嘅質地   呵呵   之前里奧大人都喺 JJ Mall 買咗對   真係好舒服呢   所以下次一定要幫佢買咯   難得佢咁鍾意 ~

剪就髮就去正隆行買原味杏仁同炭烤腰果   諗住行陣千色店   不過好焗   所以都係唔行喇 ~

搭小巴番官塘   買埋糖水就番屋企   里奧大人真係好鍾意食綠豆沙涼粉同紅豆大菜糕   呢個星期食咗 3 次喇   勁 ~

沖埋涼就休息喇   咁啱睇到 "致命復活" 大結局   其實係想睇越南景多啲   哈哈 ~

今晚差唔多 12 點先瞓   好在聽日可以瞓晏啲 ~