大阪王將 + 滿記甜品 @ 九龍灣 ( 1-DEC-2016 )

( 1-DEC-2016  THU )

感恩一覺瞓天光   但其實差唔多天光嘅時候都醒醒地   不過無望個鬧鐘係幾點   如果知道係 6 點幾   我會有壓力   會諗住就嚟要起身   反而好難瞓得番囉 ~

話咁快又到 12 月   我真係成日覺得自已去完泰國無耐咁咋喎   開心嘅日子真係過得特別快   不過呢幾個月負能量勁多   釋放完又嚟   嚟完又釋放   雖然阿笠同冰姑無間斷安慰我   但有啲嘢真係放唔低就放唔低   但其實我已經盡量諗量諗好處㗎喇   心情唔好   瞓都唔好   所以身體更唔好   但點解仍然咁大食   我唔係化悲憤為食量嘅人嚟喎   哈哈 ~       

早餐食奄列   好記得細細個喺大家樂食嘅奄列係好好味㗎   係白汁加洋蔥加雞肉   所以食奄列都係兒時回憶之一   但味道就真係差天共地 lu ~

菇場忙下停下   去完旅行之後   發覺無望電腦同手機   對眼真係望嘢清楚好多㗎   但番工就真係好難避免囉   唉 ~

Lunch Time 出去食粥   行多陣就番菇場喇 ~

無啦啦又忙   又要做埋長命 Report   希望聽日可以搞掂哂啦 ~

放工即走   去萬寧買完嘢就即番屋企   熨 2 機衫   7 點再開始 Pack 廚房嘢 ~

里奧大人差唔多 8 點放工   我都繼續 Pack 嘢   等到佢番九龍灣先落樓   我自己 Pack 咗 3 箱嘢呀   全部係重嘢   我覺得自己好勁   哈哈 ~

好想食飯呀   所以去大阪王將   之後我話食埋黑糯米   因為想補補血   搞掂哂屋企   我應該會買包黑糯米喺屋企煮   幾時食都得   同埋可以熱食當飯食   呵呵 ~

番到屋企都 9 點幾   繼續 pack 嘢呀   里奧大人唔知我熨埋衫   所以話我又熨衫又 Pack 嘢真係好勁   大佬   妳真係以為我喺屋企好得閒㗎   做咗好多嘢你唔知咋 ~

好攰呀   10 點半即沖涼   睇多陣電視   11 點半唔夠都瞓喇 ~