百匯酒家 @ 官塘 ( 3-DEC-2016 )

( 3-DEC-2016  SAT )

今朝 7 點 15 分起身   即刷牙沖涼落樓食早餐   其實唔餓   但點都要食嘢   因為一陣唔知幾點搞掂先有時間食午餐呢 ~

最搞笑里奧大人話我瞓咁少都起到身   大佬   做正經嘢呀   同埋雖然運輸公司話 10 點嚟啫   但里奧大人話預佢哋早到囉 ~

快食快上樓 Pack 嘢   咁我仲要 Pack 埋雪櫃啲嘢嘛   真係要佢哋嚟到前先可以 Pack 囉   好在里奧大人提醒話佢哋可能早到   咁我話 9 點 Pack 啦   里奧大人話早啲啦   咁 8 點半夠早喇啩   比佢講講下   我直頭 8 點 20 分 Pack 啦   Pack Pack 下有人按門鐘   8 點半咋   原來係運輸公司   我開門嗰下有啲呆呀   又未瞓醒   隔住鐵閘同佢哋講你哋咁早嘅   唔想比佢哋入嚟咁呀   我嗰下覺得自己好似唔比佢接新娘咁呀   哈哈 ~

我話我未執好雪櫃呀   佢話唔駛驚   我一路執佢一路搬   唔會阻到佢哋 ~

好在我尋晚已經用 Bubble 紙包好哂啲玻璃樽   唔係就無時間㗎喇 ~

運輸公司真係好快手   唔覺唔覺就搬好哂   本來仲有好多濕碎嘢要自己拎   點知佢哋封咗 3 個箱   幫我哋 Pack 哂入去   真係幫咗我唔炒㗎   雖然無分類   但唔理喇   最緊要唔駛自己再拎 ~

咁我都唔知幾點開始搬   好在里奧大人喺平台幫手睇住啲嘢   因為今日仲有另一個單位搬   之後運輸公司同我哋講話今日係好日   我哋都唔理呢啲   最緊要今日請到假咋   哈哈 ~

諗住數下有幾多箱   不過佢哋早嚟咗   都數唔切 lu   我估有 40 箱   唔計梳化餐枱櫃呢啲   見佢啱啱塞得入一架車   真係再多一箱就唔知放邊㗎喇 ~

咁我哋跟車嘛   送完嘢去屋企   我就執嘢先   里奧大人再跟車去姑奶屋企   分頭行事最好 ~

第一年事擺番啲嘢入雪櫃  之後 Un-pack 嘢喇   約咗煤氣師傅 4 點 Cut 煤氣   咁我 2 點幾都食埋嘢   之後再去舊屋等師傅 ~

去到舊屋又執埋啲濕碎嘢   之後掃地拖地   大塵到呢   個咀即刻敏感   但最豬係居然唔記得曼秀雷敦係有跟身囉   如果唔係唔駛咁痛 ~

師傅 4 點 10 分左右上到黎   報標加 Cut 煤氣   唔駛 5 分鐘搞掂   之後里奧大人 5 點都嚟埋   又要拎 4 袋嘢走   佢一早叫我拎喼   我話無咩嘢拎添   最衰我啦   如果拎喼就唔駛佢咁辛苦拎   因為好多係液體   真係好重   佢行去的士站都要停幾次呀   無計啦   呢排又攰   真係無咩力 ~

番到屋企又執執執執   咁姑奶同唔到我地做冬食飯   所以提早同我地九龍區嘅姑奶一齊食   9 點去到   食到 10 點幾   之後去姑奶屋企 lu ~   

呢兩晚係咁執呀執   今晚對手開始酸軟喇   沖埋個勁熱水涼   11 點幾都瞓喇 ~