國泰美食 @ 官塘 ( 23-DEC-2016 )

呢碗 $30 (韭菜 + 豬皮 + 魚蛋 + 河粉) - 里奧大人話咁平嘅   我話 "鄧"番 勻你食啲貴嘢呀   幾咁慳家     

里奧大人呢碗 $42 ( 韭菜餃 + 魚蛋 + 蘿蔔 + 牛腩 + 油麵 ) - 依家食車仔麵真係好貴   叫埋嘢飲起碼 $50   咁又唔太值喎      

腸粉 $9/4 條   次次食都好滑呀   咁我同里奧大人叫咗腸粉 + 煎餃子   咁餃子未得   咁拎咗腸粉先   之後個老闆話兩個人食咁少邊夠飽    我覺得佢係串緊我哋咁   里奧大人笑笑口話食呢啲唔係要飽肚   估唔到佢咁講   平時佢唔會理人講咩嘛   同埋我哋已經食咗車仔麵   只係想過下口癮   哈哈         

煎餃子 ($8/2 隻) - 我覺得貴呀   不過新鮮整起好味道   同埋都幾多料   最緊要係個心都熱   我好怕啲餃子外面熱個心凍呢   再加埋杯凍豆漿   呢餐飽到反肚

( 23-DEC-2016  FRI )

今朝同里奧大人一齊搭地鐵   好在唔駛做沙甸魚咋   但我都係唔鍾意搭地鐵囉   哈哈 ~ 

早餐食蛋治   之後 8 卦又黎埋   講開好多人今日都放早   聽日又唔駛番   搞到我都差啲以為聽日自己都唔駛番   哈哈 ~

呢排多嘢做   都會諗下做啲咩先   平時我會洗完杯就去廁所   之後拎番杯入 Pantry   點知今日諗得入神得滯   去完廁所直接番菇場 Pantry   8 卦話我做咩唔拎杯   黐黐哋線   哈哈   真係佢唔提我   我真係唔記得無拎杯   但唔明點解要話我黐黐哋線囉   哈哈 ~

菇場忙呀   開行 Turbo 做哂啲嘢   真係唔知以為今日放早聽日放假 ~

Lunch Time 出去食粥   之後去惠康買粟米粒罐頭   好抵呀  折咗每罐只係 $5.8   買夠 6 罐   可以整沙律   再去買埋話梅薑就番菇場喇 ~

及第粥   真係兒時回憶   不過依家好少料 lu   得粉腸豬潤豬肚同豬唔知乜 

菇場都係忙下停下   其實好多人同客都放聖誕假 lu ~

里奧大人 3 點喺上環見客   5 點半番到官塘   咁我話去食車仔麵   因為勁想食韭菜蘿蔔   呢期好多嘢都突然想食   好在易搵   唔係無得食就籮籮攣喇   哈哈 ~

食完就去姑奶屋企拎嘢   之後打的番屋企   又係執呀執   執到 9 點就收手   好攰呀 ~

灘住嚟執真係執極唔完   真係要的起心肝執呢 ~

今晚又睇番細個啲相   但次次睇完都瞓得唔好   唔知點解 ~

聽日要番工   咁 11 點都瞓喇   希望瞓得好啦   哈哈 ~