2017年8月12日星期六

豉汁蒸鯧魚 + 老黃瓜粟米豬尾骨湯 ( 12-AUG-2017 )






( 12-AUG-2017  SAT )

今日每月一 off   不過 9 點都起身喇   同里奧大人去太興食早餐   之後我去買餸   佢就去銀行整嘢 ~



咁我去 Taste 行下啦   見到買金枕頭個位置    有九萬人湧咗喺度   咁即係有筍嘢   不過等 d 人散咁 d   我先行就過去   原來係啱啱開箱   唔怪得引到咁多人啦   咁問里奧大人食唔食先買   佢話食咁就買 1 個啦   再買埋豬尾骨同 biokill 就去街市買餸喇 ~

其實 $11.9/磅真係抵   我買咗 1 個大 d 嘅   都只係 $72.8 咋   平時見一pack 3嚿都要六十蚊架       



拎住個榴槤去街市   真係好攞命囉   咁我去街市又最主要係買煲湯料   買咗 1 個大嘅老黃瓜   3 條粟米同 4 條節瓜   2 個伊麵   再買多廿蚊蝦卷就搭車番屋企喇   因為對手就來斷了   嗚嗚 ~

里奧大人去圖書館   我叫佢 6 點好番黎   因為老黃瓜祛濕好利尿   早 d 飲好 d ~

我 4 點半開始煲湯   6 點幾就可以食飯喇   反正大家都無食 tea   早 d 開飯好過   呵呵 ~



是日懶餐 - 豉汁蒸鯧魚 + 老黃瓜粟米豬尾骨湯 

豉汁蒸鯧魚 - 去另一檔買架   呢條 $28 都抵   今次唔買咁大條喇   因為飲湯食湯渣都好飽 ~   

老黃瓜粟米豬尾骨湯 - 老黃瓜買咗 $15   豬尾骨買咗 $59.9   堅貴啦   我睇佢放豬骨落磅嘅時候係 $39.9   暗喜覺得自己好勁   啱啱買夠 1 磅   點知睇番張單見到 $59.9   個心堅痛啦   哈   原來頭先我係睇佢入豬骨嘅磅數   但無睇到總數呀   不過其實都要買啦   唔通比番人咩   比人殺都似 ~~~~

食完飯   搞掂哂都係 7 點幾   咁即刻沖涼喇   夏天煲湯真係好鬼熱 @@

叫埋里奧大人快 d 沖涼   差唔多 8 點幾就食榴槤   我拎一盒出黎嘅時候   佢都話多   我話仲有 1 盒喺雪柜呀   之後就即話好抵   咁又真係抵過喺泰國食榴槤喎 ~

我又睇下電視打下機   里奧大人就睇書   佢 11 點半都瞓   我又係 12 點幾先瞓呀 ~    

沒有留言:

發佈留言