2017年8月27日星期日

翠河餐廳 @ 官塘 ( 27-AUG-2017 )

西檸軟雞好味呀   個皮脆卜卜   不過食唔哂啦   食剩 4 件要打包   要比兩蚊雞買外賣盒   貴咯   呵呵        



蝦醬通菜炒牛肉   我要食牛肉補補血



( 27-AUG-2017  SUN )

今朝瞓到 11 點   好似已經掛 8 號風球喇 ~~~~

懶下床   再刷埋牙先叫醒里奧大人   但我就落去搵位先   因為 12 點就無早餐食架喇 ~



好大風喎   好在無乜雨咋 ~

早餐食飽 d   因為咁晏食   唔會食 tea   等夜晚早 d 食飯好過 ~

食完就番屋企   里奧大人就去拎雜誌 ~

都唔記得幾點改發 3 號風球添   但如果呢日要番工嘅話   我就一定要番囉   但星期日就唔理幾點改發 3 號啦 ~

唔知係咪食抗生素關係   我真係覺得食完之後   個人好攰咁 @@

又上 Youtube 睇旅遊節目   呢個星期勁睇 Manson 嘅旅遊片   我覺得佢勁好笑   我次次睇親都好開心架   之前有晚睇其中一 part   我仲大聲笑咗出來添呀   係笑到咳果隻   好耐無咁大笑喇   因為喺菇場呢   傾好笑嘢都唔可以笑出聲嘛   所以可以笑出來   真係好開心呢   哈哈 ~

不過估唔到連里奧大人都話好笑   話佢夠真囉   會講話唔好食   哈哈   佢邊睇雜誌邊睇佢   仲話我同佢好似   因為里奧大人聽佢比分係 63.15 分   即刻同我講: 佢比分同妳一樣   唔怪得妳咁鍾意佢   因為我比分一定唔會比齊頭數架   即係 10-20   我係比 17.5 咁呢   哈哈 ~

睇旅遊節目   次次都會睇到餓   所以 3 點幾就整熱個包   尋日買咗但無食   今日點都要食埋去啦 ~

我用牛油煎香個芝麻餐包架   但原來影到超級樣衰   哈哈   唔講真係唔知影 d 咩出來         



6 點半去食飯   估唔到大風大雨呢 ~~~~

食完都番屋企喇   今晚無得徑步   又食咗飯   所以熨衫當做運動 ~

抖多陣就食貓山王   姑奶去完新加坡   佢好似買咗 1 個番黎   比咗 3 嚿比我   不過就 pack 好哂嘅   仲用保鮮紙包住 d 榴槤   咁又好喎   感覺似真空包裝咁呢 ~

仍然睇 Manson   里奧大人話睇到佢都想去旅行添呀   所以我好鍾意睇旅遊節目   但唔要係 hard sell 樣樣話好味果隻   哈 ~

今朝真係瞓得太晏   差唔多 11 點 50 分先瞓   但其實只係有少少眼瞓咋   不過點都要瞓囉   聽日要番工嘛 ~

沒有留言:

發佈留言