2017年8月29日星期二

什豆炒火腿粒 ( 29-AUG-2017 )




( 29-AUG-2017  TUE )

感恩一覺瞓天光呀   所以覺得好精神呀   HOHOHO ~~~~

今朝仲勁   沖涼搽 cream 換衫 jel 頭都只係 15 分鐘   所以 8 點唔夠就可以出門口呢 ~~

掛住同 mi 傾計   點知遲咗一個站落車呀   諗住行番菇場啦   不過實在太曬   所以都係搭架最平嘅巴士到菇場附近呢   感恩等咗 1 分鐘有車呀 ~~~~~~

夠瞓真係成個人都爽哂咁   所以轉場食早餐 ~



咁尋日同 8 卦講   我今朝可能會轉場食早餐   不佢佢好早見客   所以黎唔到   佢知我轉場食早餐   佢話好想去食囉   咁其實尋日我都唔肯定今朝去邊間食嘅   咁我話等埋佢囉   點知佢覆我話起碼 11 點先番喎   我即話佢: 痴   等埋你嘅意思即係星期三食呀   佢自己都忍唔到笑咗出來 @@

佢仲搞笑   尋日知道今日大粒上哂大陸嘛   就好開心話   食早餐坐到 930 都得   點知唔夠 1 個鐘   就話佢 8 點半要去見客   都叫佢咪開心得咁早啦   哈哈 ~

佢邪我仲邪啦   今日忙足全日呀   尋日 d 嘢未做都算   但今日仲有更加多新嘢做囉   好在今日好精神   開行 turbo 做應該好快搞掂 ~~

勁勁勁想食酸辣米線   所以一到 lunch time 即飛去買   今次好味喎   但食完好鬼飽囉 ~



仍然忙   但唔知係咪飽得滯   所以好眼瞓   咁下次唔敢再食酸辣米線喇 ~~~~

放工即走   買完包什豆同芝士就番屋企 lu ~

仲未餓   所以徑步半個鐘先   雖然 6 點半   但個天都仲未黑   真係唔慣咁光嘅環境徑步   哈哈   我都係鍾意天黑徑步多 d ~

番到屋企拖埋地   煮好哂嘢   沖埋涼先食嘢呢 ~

是日懶餐 - 什豆炒火腿粒 

什豆炒火腿粒 - 加咗咖哩來炒架   不過無咩味   是但咯   終於食哂包過期火腿   條粟米係上上星期六架買   所以又要食埋去   唔駛食飯都夠飽   正 ~

咁家姐又 whatsapp 問我食咩   佢見到成條粟米就話  胃唔好就唔好食粟米啦   之後同佢講想食薯片   但驚肥呀   但佢話食啦   好過食粟米   哈哈 ~

一路食薯片一路睇 Youtube 真係好正   但唔可以成日咁   堅肥死囉   呵 ~

睇到 11 點 20 分都瞓覺喇   難得想瞓 ~~~~

2 則留言:

  1. 宇宙第一笠..早呀
    近排都知你超忙啦~菇場真係好多野做左
    酸辣米線太飽叫少米多青ma..我地都係架~真係食唔晒
    但久唔久又想去食囉~酸酸辣辣勁開胃
    ohno! 認同你家姐講~你真係要食少d粟米
    依家粟米好多係基因改造~所以都唔好食咁多呀

    回覆刪除
    回覆
    1. 四小笠 UMM 好好味咁呀 哈哈~
      呢個星期忙到暈呀 樣樣都做齊咁 真係第一次咁囉~~~~
      係噃 下次我都少米多青先 我覺得食米線都好脹胃下呢~
      好啦咁 我都唔食咁多粟米lu 但粟米其實真係好好食囉 哈哈哈哈~
      係咁 拜拜妳條酸辣大豬尾 嘩哈哈哈哈~

      刪除