2017年8月4日星期五

住家飯 @ 家姐屋企 ( 4-AUG-2017 )

煎釀三寶 - 每食 1 隻尖椒就會講辣唔辣   笑死   我同姐夫一食到辣就比家姐食呢   哈哈哈哈 



我叫工人整比我食架   因為佢真係整得好好味呢



蠔油燜冬菇鴨掌 - 工人特登煮比我食架   真係非常感動呢   其實我都估佢會煮比我食   但我唔想講話想食咩   因為真係是但家常菜都得嘛   最緊要方便




沙巴龍躉 - 姐夫話呢 d 魚無味   只係滑   比佢咁講又好似係   哈哈   呢條 $50 咋   最衰佢會郁啦   唔係我一定會買來食囉 



最愛食蔥絲   多多都食得哂啊   




蒜蓉炒絲瓜 - 呢度 1 條半   最搞笑家姐好大反應問工人   乜可以買半條架 ?!   工人話半條留起咗   因為 1 條太少   2 條太多   咁又係   我地都食剩 10 嚿   哈




老黃瓜豬骨湯 - 正呀   嘆得冷氣多   真係要飲祛濕湯呢



( 4-AUG-2017  FRI )

感恩一覺瞓天光   但其實 7 點 20 分已經醒咗   不過懶床到 7 點半先起身   硬係覺得鬧鐘響先瞓夠時間咁   哈哈 ~

早餐食芝腿治   因為呢間餐廳嘅麵包   烘咗有 d 煙煙韌韌咁   同埋有 d 溶溶地嘅牛油   所以好正 ~



菇場忙啦   其實咁都好   時間過得好快 ~

Lunch time 出去食水餃米   下次真係要少米喇   依家真係夠就食唔落   唔係飽喎   都唔識點講添 ~



食完就行陣   買咗件外套比姑奶做生日禮物   又買咗條 1 pc 比自己   呵 ~~~~

嘩   仍然忙呀   好在 5 點左右就搞掂   woo ~

家姐今日 off   佢順便帶埋狗仔做針灸   所以佢 5 點已經喺屋企 lu ~

咁我放工番屋企拎嘢   之後家姐車我去佢屋企   原來都 6 點半 lu ~

咁我話好凍嘛   最搞笑家姐話驚我熱   開定冷氣等我   咁我 ok 嘅   始終開冷氣係舒服 d 呢   同埋佢 d 狗都要開冷氣呀   話唔開呢   好似有 d 扯蝦咁   我咪話囉   佢地咁貼地   一定熱過我地   所以呢 d 錢唔慳得呢 ~

飲碗湯就開飯喇   今餐樣樣都好味道   同埋唔駛煮有得食   真係最開心   嘩哈哈哈 ~

食飯嘅時候   家姐話工人今日好緊張   家姐出門口時係咁問家姐煮 d 好咩   家姐話趕住出門口   無時間答佢   之後家姐就打比我想食咩   我話咩都無所謂   有條魚   同埋想飲湯就可以咯 ~

工人都話因為我唔係成日黎   所以想煮 d 嘢比我食   我好感動架   因為佢記得我鍾意食咩   其實家姐兩個工人都對我好好   媽咪工人又對我好好   加上我 d 朋友又對我好好   我覺得自己都幸福架   嘻嘻 ~

食完飯抖陣就食蜜瓜   其實我好飽   但家姐係都要我食   之後工人又拎埋佢 d 私伙炸嘢我食   我話真係食唔落   咁食完生果   家姐又問我食唔食甜筒   大嫂   今時唔同往日   我真係唔可以食咁多嘢   咁好啦   佢又叫我睇佢個薯片柜   無啦啦又拎包薯片出來食   我又食咗幾塊細嘅   因為試下咩味道   點解家姐咁鍾意食囉   哈 ~

喺清邁買架   如果香港有就好啦   隨時買比家姐食都得   



又唔係好甜   都 ok   但我都係鍾意食鹹嘅薯片多 d 呢



飯氣攻心   因為真係好少會食完飯就坐嘛   喺屋企點都要洗埋碗   咁家姐屋企又凍   如果今晚喺家姐屋企瞓   我一定瞓鬼着咗添呀 ~

B仔瞓到好林



麥包初初都瞓得好林

  
我一埋去影相   佢就開眼了 
  


之後想影佢瞓覺都難喇   嘩哈哈哈哈



坐到 9 點就走人   家姐車我番屋企   今晚全程都只係坐同食   爽呀 ~~~~~~

番到屋企即沖涼   無耐里奧大人都番黎 lu   喺家姐屋企吸得太勁冷氣   加上又無乜郁   沖完熱水涼都唔覺熱添呀   所以冷氣開咗 40 分鐘又要熄   開風扇算喇   開風扇都覺得凍凍地呀 ~~~~

又作乜乜咁   突然間好眼肿   所以 11 點幾都瞓喇   瞓多 d 好 d 呢 ~

4 則留言:

  1. 样样都好正呢!劲啊!工人姐姐

    回覆刪除
  2. 一篤篤笠..早呀! 哈哈哈哈
    嘩~好耐無見你返家姐HOME食飯啦~家姐得閒就多d返去食啦
    工人手勢超好~次次整d餸都好正呀
    你家姐好攪笑=我返到屋企..爸媽又係叫我地食乜食乜
    係咁叫我食野架~不過有次飽到返屋企堅嘔
    同佢地講ed..以後返去食飯就話~飽就好停啦(哈哈哈哈..笑死我)
    你係咁講..食飽又凍凍地~攪到我都想瞓呀..衰

    回覆刪除
    回覆
    1. 二合一笠 好勁呀 合多次來睇下?! 哈哈~
      真係好耐無番家姐屋企食飯喇 呢日佢放假先咁早食飯咋~~~~
      工人煮嘢真係好鬼好食 我有佢咁勁就好喇 哈~
      係啦..講得話飽 其實真係已經食唔落
      加上我依家胃又唔好 太飽真係自己辛苦架~~~~~~
      咩喎 又衰 係人食飽都想瞓啦 關我咩事喎~~

      刪除