2017年8月26日星期六

會所一號愉花園 @ 荃灣 ( 26-AUG-2017 )

我最期待嘅乳豬出場啦   但個皮硬嘅   同埋唔脆囉   慘 @@



配菜好味過蝦仁



仍都好期待嘅蟹鉗   點知係凍嘅   層粉漿又厚又硬   我同家姐講話 Club One 食物唔掂   點知佢第一句就話 Club One 唔掂架   到會之嘛   講講下里奧大人親戚都好似話呢間酒樓無廚房   d 食物係送來的   



頭 3 樣嘢已經唔掂   而呢碟節瓜甫就可以用超級難食來形容   節瓜甫口感好霉   個芡汁先最恐怖   好似鼻涕咁"杰"   你睇到左邊個 pat 芡汁嗎 ?!   完係係固體來囉 @@



好在呢碗翅係熱咋



魚都係熱   但唔夠豉油   



又係 pat 鼻涕



個皮唔脆   不過都預咗   之後仲有炒伊麵同炒飯同甜品   不過我無食 lu   我見到個炒飯係白雪雪   無咩料咁囉   我真係第一次去飲   d 嘢係咁難食囉 @@     



( 26-AUG-2017  SAT )

今朝同家姐食早餐   所以又要早 d 起身呢   呵 ~



傾下食下   真係好快就到 8 點 45 分呢   一出門口就見到家姐搭嘅巴士   即刻飛去截住佢啦   好在有幾個人上車咋   不過我真係覺得   個人越緊張就動作越係慢咁   哈哈   可能緊張得滯 ~~~~

菇場又有好多嘢做   但唔想做住囉   不過其實咁唔好   因為成日記住有嘢要做   心掛掛咁   但真係好無 mood 做囉 ~~~~

今日兒甥女結婚   所以去觀禮   放工即走   咁里奧大人打的去   順便兜埋我去 ~

儀式 2 點開始   3 點半完畢   但我同里奧大人走先   因為我可能尿道炎呀   要去荃灣搵醫生睇   我驚聽日 8 號無診所開呀 ~

今晚去愉景新地飲嘛   所以直接去果頭睇醫生啦   感恩有診所開呀   因為星期六好少有門診呢 ~

咁我同醫生講話有尿道炎跡象   咁佢係都話係我個瘤影響   比佢摸啦   佢話好大個   但我唔會再做手術啦   我 10 年內已經做咗 3 次全麻手術   我唔想做第 4 次囉   同埋最緊要係良性   咁就無咁驚 ~

佢係都唔想比藥我食咁呀   但我話真係似尿道炎喎大佬   咁佢先肯開抗生素比我   暈 @@

食完藥真係好好多   起碼下腹唔再痛   感恩感恩 ~

咁里奧大人話 8 點先開席   所以去 Delifrance 食 d 嘢 ~





食完就去酒樓喇   去到就同 d 兒甥仔傾下計   之後新人斟茶比我同里奧大人   勁有長輩 feel  哈哈 ~

我地同里奧大人 d 阿叔坐一枱   佢 2 個阿叔居然鬧起交來   又拍枱又企埋身   仲手指指   之後里奧大人同唔知邊個分別按住佢地啦   大佬   好驚佢地爆樽囉   同埋好心啦   人地喜宴呀   破壞哂氣氛 ~~~~

好在酒樓嘅音樂夠大聲   人聲又夠嘈   唔係真係失禮死人   不過司儀哥哥都知有事發生   所以都行埋來話長輩有咩事囉 ~~~~

好似 8 點開席   不過間酒樓嘅樓底唔高   加埋音樂同人聲   真係嘈到有 d 頭痛 ~~~~

差唔多 11 點走   好在打的番屋企   因為一上車就開始落雨   仲越落越大 ~~~~

呢隻公仔好得意   我覺得佢個樣好奸



番到屋企即沖涼喇   好似聽朝會掛 8 號風球   估唔到一星期有兩個 8 號風球 @@

里奧大人瞓先   我就差唔多 12 點幾先瞓呢 ~

2 則留言:

  1. 一大笠..早呀! 你又會無啦啦好似尿道炎既?
    係咪平時飲得少水呀? 定飲食出左問題? 自己小心D呀
    OH NO! 去飲炒野真係唔好睇~話晒喜慶場合ma
    好在最後無事~你知啦..依家d老人家特別燥底
    有時仲衰過d廢青~話爆就爆..分分鐘攪出人命囉

    回覆刪除
  2. 三眼笠..嘩哈哈 第三隻眼 (@..@)
    唔知呀 我一日飲6杯水左右 其實都算少 哈哈~
    我好怕男人鬧交 真係講兩講就郁手架喇~
    佢地加埋都二百幾歲啦 我堅驚佢地爆樽之後爆血管架~~
    同埋好心啦 喜慶場合炒嘢 真係不知所謂~  

    回覆刪除