2017年8月30日星期三

芝士辣肉腸薄餅 ( 30-AUG-2017 )

無心機真係唔好試整新嘢 



呢個角度無咁多餅皮   個樣好似好睇啲   哈哈哈哈哈哈



( 30-AUG-2017  WED )

尋晚瞓到半夜有啲熱   又轉番張冷氣被   之得一早蓋張冷氣被啦   哈哈 ~

今朝同樣去番另一間食早餐   今次我要咖啡少少奶   咁飲落已經有啲怪   我以為係少奶同少少奶嘅分別   咁 8 卦要奶茶少奶   佢食完哂嘢   最尾先飲嘅   一飲就話變哂味嘅   原來真係變咗味呀   哈哈   等我以為係少少奶分別添   之後換杯熱檸茶啦   咁我唔落糖家嘛   佢好驚咁叫我千奇唔好篤檸檬   唔係好傷胃   又幾細心噃衰仔 ~



番到菇場無肚屙喎   有啲失望   哈哈 ~

今朝好忙呀   做完有啲虛脫   但做未做完噃 ~

Lunch Time 買粉果同腸粉   但粉果唔熱   好難食囉   等我仲買夠 3 隻添   之後食腸粉   其實已經食唔落   要抖 15 分鐘先格硬食   依家有啲驚咗 ~



咁我上網睇 Manson 嘛   之後阿花話佢都有睇   呵呵   仲介紹我睇另一個   咁啱我尋晚都睇咗   我都係鍾意睇 Manson 多啲   哈哈 ~        

仍然忙啦   但無心機做   咁唯有慢慢做啦 ~

放工即走   依家電話同電腦時間終於一樣   咁唔駛下下遲 5 分鐘先走囉 ~

去超市買生果   之後番屋企喇 ~

其實唔餓   所以抹埋柜先整嘢食 ~

是日懶餐 - 芝士辣肉腸薄餅 

芝士辣肉腸薄餅 - 之前買咗一 Pack 薄餅   但已經過咗期好似一個月   咁點都要食啦   不過餅底都幾厚   唔係咁鍾意囉   同埋今次焗到好鬼乾   真係食到有啲痛苦   最後食剩 1/4 要掉   慘啦   仲有 1 塊點算好呀   嗚嗚嗚嗚 ~

我知個薄餅真係好樣衰   所以連家姐都好唔比臉   哈哈哈哈哈哈







食完洗嘢啦   聽到轟隆隆   以為貨車行過   點知原來行雷   因為今日咁好天   無諗過夜晚會落雨囉   但唔理喇   見無雨就即刻去徑步   但徑咗 1 個圈就落雨   要打道回府呢 ~

咁沖埋涼又上 Youtube 睇嘢   又係睇到 11 點幾先瞓呀 ~

3 則留言:

  1. 手五片笠..早呀~回埋你出門啦要
    個pizza係燶左少少啫~批底唔好食都唔關你事
    最緊要d料好味ma~加d波蘿應該仲開胃..哈哈
    粉果凍既真係唔好食啦~不過明明熱野>凍左都唔好食
    係咪咁話呀?! 阿喂最憎熱食既野變凍架..唔夠熱鬼殺咁嘈架
    你家姐好攪笑呀! 見到個icon又記得..好鐘意用(哈哈)

    回覆刪除
    回覆
    1. 點解多士個"手"字係頭架? 唔通...農曆7月...嘩~~~!

      刪除
    2. 五協調手指笠 嘩哈哈哈~
      點解多士個"手"字係頭架?<--以為妳想打五片多士 哈哈 小心d啦妳~~~~
      邪..尋晚想買菠蘿粒整pizza 不過人多排隊 所以無買囉~
      過埋下星期 等我狀態大勇就會整多次過期薄餅先 (餅底無臭既話)~
      粉果係暖堅難頂..好似食緊未熟嘅餡咁囉~

      yeah 原來妳都咁諗..家姐買燒賣番工食..可以一個鐘先食哂..6粒咋喎
      我話凍冰冰好難食喎 佢話無問題呀 暈未?!
      阿喂最鍾意鬼殺咁嘈啦 嘩哈哈哈哈哈~
      所以佢食嘢要好快囉 不過咁..由熱變凍堅難食..呢d感覺 我絕對絕對絕對明白呢~~~~
      佢同妳都中意用呢個icon 我可以叫妳一聲家姐嗎?! 家姐~~~~~~~~~~~~


      刪除