薑蓉金菇撈麵 ( 7-AUG-2017 )

( 7-AUG-2017  MON )

今朝 7 點 45 分先起身   星期一多數瞓晏少少   感覺好精神啲   哈哈 ~

早餐食芝腿治   其實唔知食咩好   咁是但啦 ~



菇場忙咗陣   之後我問溫總係咪有嘢要我跟 ?!   條友即刻手頭上嘅嘢唔做   即教我呀   平時叫佢比嘢就話一陣先 ~

咁教我就唔該 Run 一次先好教我啦   教兩張都錯資料   佢自己都話點解咁點解咁 ?!   我點知妳點解咁呀 ?!   頂佢唔順   之後叫我慢慢做   我心諗   我做得快就顯得佢慢   所以佢強調咗 3 次叫我慢慢做   少少嘢就知佢個人係點 ~

不過我都唔會做住先啦   樣樣得一半   我等埋齊哂先做   唔係又要做重覆嘢 ~

呢排作乜   又攰又暈   頭先暈咗一嘢   可能有新嘢做太緊張   哈哈 ~

整下相   好快又 Lunch Time   咁又未餓   行咗去買補牆泥   之後再行多陣就買腸粉燒賣番菇場食   今日無啦啦又好想食燒賣   奇奇怪怪 ~

忙下又停下   又 Load 下相   準時放工走人 lu ~

番到屋企好攰   灘喺梳化都唔願郁 ~

6 點半開始煮嘢   個人有啲暈   都係早食早休息 ~

是日懶餐 - 薑蓉金菇撈麵  

薑蓉金菇撈麵 - 勁咯   個炒麵餅擺咗個幾星期   好在無壞咋   所以快快趣食埋去   薑蓉係星期日買雞嘅時候比㗎   唔好嘥埋   加咗隻指天椒落去炒兩炒   咁樣辣辣地好味啲   但其實你炒麵餅都好鬼大個   食剩半個真係食唔落   最後都係掉咗 ~

今日唔係狀態   但又好想徑步   不過最後都係唔徑喇   始終個人暈暈哋   都係休息好啲 ~

咁里奧大人食埋嘢先番屋企   我都沖涼先喇   想快啲休息 ~

佢差唔多 9 點番到黎   不過我 9 點 45 分都瞓喇 ~