2017年8月3日星期四

臘腸蒸飯 + 菜心苗 ( 3-AUG-2017 )

又食阿婆餐   哈哈  



( 3-AUG-2017  THU )

話咁快又星期四   應該係話   話咁快就 8 月呢 ~

今朝 7 點 45 分起身   去到餐廳已經 8 點 35 分   咁我食通粉餐嘛   但見咁晏 8 卦都無 whatsapp 我   可能突然要上大陸都未定   咁我勁落胡椒粉啦   點知一落完就問我喺邊 @@



菇場忙呀   但好充實   哈哈 ~

Lunch time 未餓   咁去超市買嘢啦   買完都 1 點 10 分   咁番菇場喇   食埋健康餐就開工   話時話   食健康餐其實都好熱氣   所以真係要停一停喇   哈 ~



菇場仍然忙啦   之後阿爽問西瓜有無搵我傾嘢   我仲以為傾 FC 嘅嘢   點知佢話溫總遲 d 會比 d 嘢我做   我頂個死溫總丫   自己唔想做就比我做   呢 d 嘢應該係 A/C 做家嘛 ~

咁西瓜 email 咗比熊人   問佢部門 d 人做得唔得 ?!   咁熊人又搞出個大頭佛   叫佢部門 d 人每日做 d 咩要 report 比佢知   咁就算妳唔忙呀   都咩都寫出來話做咗 d 咩啦   咁熊人就覺得自己部門 d 人好忙   同埋無理由話自己部門 d 人唔忙家嘛   所以演變咗到我做囉 ~

A/C Dept 有 5 個人   但 8 卦都話唔見得佢地個個都忙   有個成日篤電話   另一個就用手機睇小說   不過佢地坐 d 位就好好囉   無人見到佢地做 d 咩 ~

我個位就成日有人經過   係人都知我上網   所以覺得我最得閒係應該嘅   我已經做緊兩個人嘅嘢啦   我都照做   反正總好過坐喺度   我夠會忙啦   但我唔會同同事講   因為人地會知妳做緊嘢家嘛   果時我休養要 shipping dept 幫手做   我一番到黎   佢地都同我講   原來我咁多嘢做 ~

聽完我要做溫總 d 嘢確實唔開心   因為佢話自己多嘢做到瞓唔着   但我見佢成日打機架喎   將 d 紙放到成枱到係   咁將手機放喺一大堆紙下面   成日喺到掃掃掃部手機   好在 8 卦都見過咋   唔係真係講都無人信囉   哼 ~

同 8 卦呻完又要繼續做啦   放工前 10 分鐘搞掂   但有長命 report 要做   不過聽日先做   一次過做哂好過 ~

放工番屋企   浸好菜就抹柜   之後 6 點 45 分就開餐喇 ~         

是日懶餐 - 臘腸蒸飯 + 菜心苗

臘腸蒸飯 - 個飯係星期日架喇   點都要食埋去囉   加 2 條臘腸一齊蒸   夠哂方便   呵 ~

菜心苗 - 又無苦喎   咁奇怪嘅 @@

食完抖陣就去徑步   徑 25 分鐘   番到屋企都 8 點   拖埋地就開機洗衫   之後即沖涼 ~

晾埋衫就休息喇   今日攰攰地   哈哈 ~

睇埋電視   11 點幾都瞓 lu ~   

沒有留言:

發佈留言