2017年8月8日星期二

咖哩雞螺絲粉 ( 8-AUG-2017 )




( 8-AUG-2017  TUE )

里奧大人今朝番大陸   鬧鐘響咗之後   我都即刻瞓番喇   好勀呀 ~

雖然尋晚早瞓   但今朝都夠精神   不過仲係頭重重咁囉   唉 ~

早餐食蛋牛治   無啦啦又想食蛋   咁食食下見到有個男人濕哂身咁入黎   我仲以為比人整濕咗個身   之後 8 卦黎到   話好大雨呀   真係唔講都唔知呢   哈 ~



菇場忙呀   頂   難得西瓜唔喺度   點知忙到 lunch time @@

又未餓喎   咁就慢慢行下先啦   之後食粥   食完再行陣就番菇場喇 ~



今日我忙 8 卦又忙   但佢又同我傾傾傾   話佢地有份 report 要做   龍王就負責對嘅   咁西瓜都會睇   因為乜叉佢都要理   咁 8 卦知道有 d 嘢錯咗   咁咪改完 send 出去囉   之後龍王見到個 email 就同 8 卦講話: 你知喇可 ?!   嘩   真係超級賤囉   明知人地錯都唔同人講   等人 send 出去先講   明知西瓜會睇到   好在 8 卦有改番啱啫   唔係又喺度篤人背脊   死龍之前咪咁對我囉   同西瓜講話我做嘅 report 錯咗幾次   咁西瓜問佢有無同我講番點做 ?!   死龍話唔會講架   所以西瓜話咁妳唔好再同我講話人地錯   西瓜咁答都似番個人   到依家我都唔知自己錯邊架喎   因為我不嬲都係照番以前咁做   我同 8 卦都無諗個龍王係咁賤   因為佢個樣唔似咁賤囉 ~

之後佢又話佢雖然樣衰同惡   但其實佢好有愛心喎   咁我話我係咪似斯文敗類果 d ?!   佢話係   嘩哈哈哈哈 ~     

仍然忙下停下   所以好快就放工 lu ~

放工番屋企   煲水嘅時候就抹柜同拖地   搞掂哂就煮嘢食喇 ~    

是日懶餐  - 咖哩雞螺絲粉

咖哩雞螺絲粉 - 星期日食剩咗 d 咖哩雞   咁食埋去啦   煮 d 螺絲粉同加個西蘭花   咁就一餐   勁方便   又好味   呵呵 ~

食完抖陣就沖涼喇   里奧大人差唔多 9 點先番到屋企   好在佢食埋嘢先番黎   咁我可以休息 ~

佢開埋機洗衫又睇下書   依家部洗衣機真係唔錯   唔駛成日等夠一機衫先洗   半機衫都只係洗 30 分鐘   唔會話用一機衫嘅時間去洗   咁樣慳好番好多電貴水費架   我覺得 ~

咁好想食豬肉乾   咁食啦   食完無耐好似想胃酸倒胃咁   勁驚囉   所以抖到 10 點半先敢瞓覺 ~   

2 則留言:

  1. 三圍爆盡笠..哈哈哈哈哈! 你梗係開心到笑ing啦!
    好人無樣睇架~衰人仲更加~所以凡事真係要自己小心d
    好在西瓜都講返句公道話~龍王無聲出啦
    嘩! 你日日既晚餐都好正~花款變化多左好多呀(叻笠)
    係啦..我地依家都係~有d野唔駛洗太耐(=環保袋)都用羊毛mode
    夏天d衫真係要密密洗添~天氣太熱ma..不過今日出街好似有d秋意
    你覺唔覺呀! 係咁啦..88你條螺絲尾(哈哈哈哈..螺絲尾好得意啊)

    回覆刪除
    回覆
    1. 五香肉丁笠午安好..話妳唔香呀其實 即係臭崩崩呀..知唔知呀?! 哈哈
      人不可以貌相係真架 所以我堅會好好保護自己 反正又唔會同佢地做朋友 呵~
      西瓜都覺得龍煩啦 成日講人錯..但又唔講錯邊度..賤格~~~~
      嘩..多謝笠笠讚賞 其實好多都係食唔哂撈埋一堆咋 哈~
      原來用羊毛mode 係唔駛洗咁耐嘅 咁我又試下先 唔該哂笠笠呀 33~~~~
      嘩..妳呢日(16/8) 講完秋意..其實我(15/8)徑步 都覺得呢晚好有秋意呀~
      螺絲尾..即諗起係細細條肥嘟嘟咁呀 哈哈~
      係咁..閃喇..妳唔好喊啊~~~~~~

      刪除