紅燒雞翼 (外賣) + 齋滷味 (外賣) + 青紅蘿蔔粟米豬骨湯 ( 16-SEP-2017 )

( 16-SEP-2017  SAT )

尋晚半夜比里奧大人發開口夢嘈醒   咁佢話發緊惡夢呀   仲問我係咪拻佢隻腳整醒佢 ?!   我話無喎   不過我都係濛濛瀧瀧   唔知發生乜事   可能真係拻醒佢都未定   哈哈 ~

今朝家姐唔駛番工   咁我可以瞓到 7 點 50 分先起身   反而有啲唔慣添 ~

同 8 卦阿齋一齊食早餐   阿齋食雞扒餐   8 卦食麵餐   但阿齋食到一半   8 卦已經食完   佢都話 8 卦食嘢好快   所以我話我次次早到係最好   我唔駛食得咁急呢 ~



又係超級勁忙爆呀   係多嘢做到唔想做呀   最高層次   哈哈 ~

做到 12 點真係要抖喇   反正放工都做唔哂呢 ~

放工去官塘街市買餸   買完之後就同里奧大人喺熟食中心食 Lunch   食完佢就再番上去圖書館睇書   今日我唔去睇書喇   要番屋企做大清潔呀 ~



好飽呀   再去街市行多轉   不過來來去去其實都係菜同豬肉檔   仲以為好多嘢行添 ~

番到屋企就抹嘢   之後開機洗衫   再熨 2 機衫   咁 4 點半就煲湯   絕對唔容忍自己有一分鐘時間休息 (講笑) ~

搞掂煲湯都 5 點幾   真係要抖下咯   里奧大人都啱啱番到呢 ~

今晚 6 點 20 分可以開飯   雖然外賣嘢   但用光波爐焗番熱   咁都用咗 40 分鐘   仲諗住好快有得食添 ~

是日懶餐 - 紅燒雞翼 (外賣) + 齋滷味 (外賣) + 青紅蘿蔔粟米豬骨湯

紅燒雞翼 (外賣) - 好耐無見過呢啲雞翼   咁買 $20 啦 ~     

齋滷味 (外賣) - 諗住樹記好出名   咁買盒齋試下啦   但唔係咁好味囉 ~  

青紅蘿蔔粟米豬骨湯 - 因為唔想買菜   所以煲呢個湯   食埋啲湯渣   唔好嘥呀   依家乜都貴   真係食到就食 lu ~

搞掂哂就沖涼   之後休息喇 ~

我同里奧大人都好口渴   所以下次唔會再喺官塘買呢啲餸咯   真係好少會口渴到咁呢 ~

睇下電視   11 點幾都瞓 lu ~