辣肉腸薄餅 ( 27-SEP-2017 )

( 27-SEP-2017  WED )

感恩尋晚都一覺瞓天光   我估過多一排   應該會瞓得好㗎喇 ~

早餐食腿蛋治   今次啲蛋好老呀 ~



菇場唔太忙   不過唔知係咪瞓矮頸   同埋周身骨痛   搞到我都無乜心機添 ~

Lunch Time 同 8 卦出去食   之後我話想食星洲炒米   所以佢陪我食   其實幾感動   佢會記得我講過嘅嘢   但今日無星米囉 ~

我唔想食飯   咁食炒河粉啦   比咗一半 8 卦食   所以同佢食嘢食好好   食唔哂比佢食   呵呵

食完同佢行陣   因為我講明食完要行下囉   之後行咗陣就番菇場   因為佢都應該攰   諗住瞓嘅時候   老闆叫佢   係咪邪呀   唔瞓唔叫   同埋只係 1 點 15 分咋   真係慘   之後佢話比老闆叫完   都當堂醒哂 lu ~

又黎 4 點幾先有 Urgent 嘢   好在半個鐘頭搞掂咋 ~

放工即走   去完萬寧換 Coupon 就番屋企 lu ~

今晚又焗薄餅   因為要清埋塊過期餅底同辣肉腸呢   呵呵 ~

是日懶餐 - 辣肉腸薄餅

辣肉腸薄餅 - 2 條辣肉腸 + 2 片芝士 + 1 粒紅蔥頭   都幾好味   不過食唔哂個餅底   我同自己講   以後唔再買呢啲餅底   真係搵自己來搞 ~

食完抖陣就徑步 lu   依家好鍾意徑步   出一身汗嘅感覺係好正   就嚟無咁熱   已經同里奧大人講話一定要行山   但要行唔好要上咁多樓梯嘅山   哈哈 ~

番到屋企都 8 點   沖埋涼就開機洗嘢   今晚係洗放喺菇場嘅 2 張毯 + 1 件長褸 + 1 個枕頭仔   估唔到咁就已經一機呢 ~

抖多陣就熨 2 機衫   最搞笑我 Send 訊息比里奧大人話熨 2 件衫   佢好好奇問點解熨 2 件衫 ?!   其實佢唔問   我都唔知自己講錯   我其實係想講 2 機衫   因為我用 Ifly   好多時自己又懶   無睇清楚就 Send 出去呢   哈 ~

熨完都已經 9 點半喇   真係要休息喇 ~

睇下電視   又 11 點幾先瞓 ~