節瓜鴨潤腸飯 ( 20-SEP-2017 )

( 20-SEP-2017  WED )

尋晚瞓得都唔錯   但唔係叫做好囉   始終掛住里奧大人   唔知佢喺宿舍過夜慣唔慣呢 ?!

早餐食奶醬多   其實我想食奶油多㗎   無咁漏嘛 ~

菇場忙呀   不過咁都好   時間真係過得勁快 ~

Lunch Time 出去食水餃米   好耐無食   覺得特別好味   哈哈 ~

諗住可以 Hea   點知又有 Urgent 嘢喎   做到 4 點幾呀又   真係攰到上網都無咩心機呢 ~

放工即走   番到屋企即開機洗衫   之後再預備晚餐   想快啲食快啲去徑步呀 ~

是日懶餐 - 節瓜鴨潤腸飯

節瓜鴨潤腸飯 - 本來想煮湯飯   但真係唔想睇火   所以又一鑊蒸熟算喇   連飯都懶得放喺碟   直接用玻璃盒蒸   呵呵 ~

食完抖陣就去徑步   今晚徑咗 35 分鐘   出咗一身汗勁正呀 ~

番到屋企即沖涼   之後抖陣就食沙律   再望下個鐘   都 9 點 lu ~

咁刷完牙出來就見到里奧大人打來   佢問我做咩鎖門呀 ?!   原來佢喺出面開唔到門呀   係咪咁啱呀   唔刷牙唔番來   哈哈 ~

其實我都奇怪㗎喇   到夜晚 7 點幾都未打比我   正路佢喺工廠係食緊飯家嘛   等我仲以為佢見客見咁耐   驚佢無飯食   所以我都忍唔住打比佢囉   佢仲話依家先食緊飯   原來真係食緊飯   不過喺香港啫 ~   

我問佢係咪想比驚喜我 ?!   佢笑住話係   但我話係驚嚇多啲囉   我同佢講   擔心咗佢成日   驚佢無飯食   我最緊張係佢有無飯食嘛   佢話唔駛擔心   工廠食飯好健康   好多菜   我話咁就好喇   食多啲菜   之後好認真加多句   我緊張你嘅程度   係比你阿媽緊張你嘅程度多好多陪囉   哈哈 ~   
咁之後睇多陣電視   11 點唔夠都瞓喇   我都好攰呢 ~