2017年9月2日星期六

翠河餐廳 @ 官塘 ( 2-SEP-2017 )






( 2-SEP-2017  SAT )

感恩今朝無落雨咋   又可以同家姐食早餐呢   開心開心 ~





咁家姐工人尋晚炸咗蝦片   佢已經話揸車黎拎比我   我話唔駛咁大陣仗呀嘛   哈   同埋今朝都食早餐   今朝比都得啦 ~

我都估到佢又整蝦片比我架喇   之前我話鍾意食嘅豆餅   佢又話買比我   不過我唔要喇   唔想食咁多零食囉   所以好怕同佢講鍾意食嘅嘢   怕佢特登買比我食呢 ~

又係 8 點 45 分走人   今朝我無遲到喎   呵呵 ~

係咪邪到咁呀   又係星期六大把嘢做   仲要做長命 report   不過今日真係唔想做住   想主力 resize 相   因為難得 8 卦同後面同事唔喺度 ~~

放工約咗里奧大人喺太子地鐵站等   book 咗 2 點睇中醫   咁食埋 lunch 先去睇 lu ~

鎮江豬手 + 孜然雞翼麻辣米線



我見幾枱都食鎮江豬手   咁我都叫啦   最鍾意食深色嘢   但其實又勁驚比腳趾我喎   感恩無腳趾咋   呢個好味呀   初初醒唔起咩味道   依家醒起   係似豬腳薑 d 味呀 



鮮牛肉 + 魚片頭酸辣湯米線 - 里奧大人話唔夠辣   



原來里奧大人知我個瘤好大   所以想我睇中醫 ~

呢個中醫係佢家姐嘅同事介紹嘅   不過我覺得呢個中醫   好唔願意接受人地唔認同佢所講嘅嘢囉 ~

初初講病症都無問題架喎   佢話我個人勁濕   因為以前飲得太多凍嘢   強調係後生飲凍嘢飲到依家喎 ~

咁我又問佢可唔可以飲北芪當參   佢話唔可以   咁我話我飲咗真係個人舒服 d   同埋瞓得好咗   我唔記得佢講 d 咩   總知講到係我自己覺得瞓得好 d 咁囉   但我話之前睇兩個中醫話我唔夠氣   叫我飲架   嘩   我講完呢句佢即黑臉   之後話個個人講嘅嘢唔同   其實我唔係串佢架喎   因為我想佢知我飲緊北芪當參   我驚原來係唔可以飲之嘛   點知咁多嘢喎 ~      

之後佢問我夜晚食咩   我話菜同肉   好少食飯   佢串串地話邊個教我 ?!   我都開始有 d 火   我話無人教   只係一個人食得唔多   同埋果排食飯頂住咁   所以唔敢食飯囉 ~

佢話我唔夠氣係因為無食飯   妳唔食   唔聽我講就算   都痴嘅   我無話唔聽你講   而係你唔聽我講話食飯頂住咋 ~

臨走前   里奧大人同佢講唔好意思   話我詞不達意   佢仲痴   我無講錯嘢囉   咁里奧大人再問佢   我要睇幾耐 ?!   佢話 3 個月   排哂 d 濕毒先可以醫個瘤喎 ~

今次比 2 日藥   我都應該會睇佢一排先   始終中藥係要有一段時間呢 ~

睇完都接近 3 點   行去旺角幫姑奶買 power bank   之後就番屋企喇 ~

里奧大人去圖書館   我就番屋企抖下 ~

家姐比我嘅炸蝦片   我話咁大包有排食   家姐就話快 d 食驚佢"林"   兩個講嘅完全係相反   哈哈 ~



里奧大人無啦啦 5 點左右番到黎   話唔係咁舒服   要番黎瞓陣 ~

6 點幾出去食嘢   之後佢番屋企先   我去徑半個鐘頭步   難得無雨嘛 ~

番到屋企即沖涼   又睇下 Youtube   11 點幾先瞓呢 ~

2 則留言:

  1. 又一笠..午安啦! 好似咁快又一個星期咁~時間過得勁快
    哦~原來依個中醫係家姐同事介紹~咁又試下先囉
    中醫真係人夾人~同埋..成日都唔記得同你講
    你成日食補血食物(牛/車厘子等)~補血中依d都好易燥
    食太多可能未補血就先加燥熱~所以盡量飲食平均D..
    有時唔算超涼既食物都食少少~始終你補到燥底
    少少中和返都唔會一下子體質即刻變寒涼呢
    最緊要五行平和~每樣野食少少..唔好太重only補血
    而令身體五行失調左啊!
    哈哈..我又見到早餐有條迴蟲腸腸

    回覆刪除
    回覆
    1. 三高笠..哈哈哈哈 妳唔好鬧咗先喎 我係話妳高貴高秀同高雅咋~
      依家講講下又9月尾添呀~~~~~~~~~~
      中醫真係好夾人 同埋一定要比時間囉~
      收到笠..所以我都會食d清熱嘢 下次食綠豆沙先
      其實着重一樣真係唔好 物極必反咁~
      我估我可能真係燥 唔係補咗囉 好在妳提醒我咋 愛妳~~~~
      umm 我話最緊要係唔好五行欠打 係咪呀?! 嘩哈哈哈哈哈哈哈
      妳再講迴蟲腸腸 我會殺妳~~~~~~

      刪除