回鍋肉炒粗炒麵 ($108) - 眼花花 睇咗自己打回鍋肉爆粗 哈哈 呢個正呀 居然係麻辣嘅味道 辣辣哋好惹味
上海炒年糕 ($106) - 年糕一 Pat 嘢咁 又唔煙韌
北京填鴨 ($398) - 片皮鴨啲皮唔脆 真係大家樂都好食過佢啊
楊洲炒飯 ($106) - 炒得靚呀 啲飯一粒粒
火腿炆津白 ($95)
叉子燒餅 (2 隻) ($36)
榨菜肉末 ($108)
酒釀桂花丸子 ($36)
杏仁豆腐 ($36)
( 21-SEP-2017 THU )
尋晚去咗 3 次廁所 所以起身有啲攰呀 ~
今朝真係好唔想食三文治 所以食沙爹牛肉麵 因為知 8 卦會來 可以比啲佢食 呵呵 ~
我分咗啲沙牛麵比 8 卦 我又唔記得走包 所以又比埋佢食 佢話我係咪比咗牛肉佢 食極都有 我話我唔會只比麵你咁衰囉 哈哈
我有時唔想寫字 咁就語音啦 8 卦就覺得我好懶 寫幾隻字都唔寫 咁今朝我又語音啦 佢又話我幾隻字都唔打 之後我寫字啦 佢又話我做咩唔直接 Send 條 Link 要寫字 ?! 係咪玩嘢呀 ?!
菇場唔忙喇 終於可以做番自己嘢 ~
Lunch Time 唔餓嘛 所以出去行陣 差唔多 1 點先番菇場食健康餐呢 ~
好嘢 仍然 Hea 過 咁同 8 卦 Skype 無啦啦又講到阿渠 我哋一致認為佢係腸胃唔好 無理由個口臭足十幾年 所以我話 8 卦勁啦 可以同佢一齊食 Lunch 之後佢話阿渠食完 Lunch 個口陣味就比較勁啲 咁我同佢講 如果我口臭 你記得同我講 但唔駛咁直接 叫我食香口膠我就知咩事㗎喇 個死仔包話佢唔會直接話我口臭 但會問我今日係咪食咗 "紙" 哈哈 ~
傾多兩傾 話咁快就放工 爽 ~
今晚約咗里奧大人喺德國嘅舅父 7 點半喺九龍灣食晚飯 咁我都係搭地鐵 lu 去德福行下 ~
解凍未成功 所以去行 MP 多人嘅地方無咁凍 哈哈 ~
里奧大人 6 點半放工 同佢行一陣 Zara 就去麥記食雪糕 比佢坐低抖下 ~
7 點半到金滿庭 估唔到仲未有人到 好在坐低無耐 啲人陸陸續續就到喇 2 姑奶一見到我就話我瘦咗 話上次見我仲有啲水腫 我話我依家成晚徑步㗎 又食少咗嘢 所以真係瘦咗啲 同埋 事實上我根本係肥 真係要減減磅啦 目標再減 15 磅 希望實現到啦 我唔想成日一肥就買過啲衫 咁不如我減磅 着番之前買落嘅衫好過 呵呵 ~
8 點開飯 食下傾下 佢舅父話要讚自己老婆 都唔係自己讚 係人地讚 嘩 完全仲哂 Point 我話講得無錯呀 因為里奧大人屋企人 真係好鍾意自己人讚自己人㗎 講真 個個都話自己屋企人好㗎啦 就算唔好嘅 喺人面前都話佢好啦 ~
食到 10 點幾 係時間走喇 勁攰 ~
送埋舅父搭車就番屋企 咁我離遠見到有巴士嘛 我就即跑啦 里奧大人又跑 最搞笑係前面有 2 個警察 佢行行下就行快兩步咁呀 想舉高手問我乜事咁呀 ?! 唔通以為我比人斬 ?! 所以我見佢咁舉動 我都慢慢行番喇 哈哈 ~
番到屋企即沖涼 雖然攰 但沖完涼再吹埋頭 我唔可以即刻瞓到㗎 咁同里奧大人傾下偈 差唔多 12 點先瞓呀 ~
沒有留言:
發佈留言