2017年9月1日星期五

蕃茄什豆辣肉腸螺絲粉 ( 1-SEP-2017 )




咁樣睇   成 3 吋高架   所以其實份量都好多   好在好味   慢慢食囉唯有   哈哈    



( 1-SEP-2017  FRI )

嘩   今朝真係嚇死寶寶了 ~~~~

臨醒之前發咗個惡夢   個夢係講里奧大人同事結婚   咁我地去飲   之後去佢屋企坐啦   無啦啦小儀都黎埋   佢真係好矮   但個樣係超級好恐怖   即係唔係平時見到嘅樣   佢對眼凹哂入去咁架   傾傾下計   里奧大人話呢個單位之前有人自殺   我話唔好講呢 d   之後開始 feel 到有嘢   我地就話走喇   咁我第一個行先啦   真係鞋都未着好果隻   因為真係好驚好驚   咁 d 人陸續咁走出門口啦   我見到個 modem 同埋唔知咩向住我地方向係咁閃   咁我即跑啦   再見到間屋有個着紅色衫嘅女人張開手呀   之後鬧鐘響   起身嘅時候   成身慶哂咁架驚到 @@

原來今日係 9 月1 日   唔怪得頭先搭 lift 嘅時候   聽到個爸爸話個仔今日番學啦   我都奇怪   點解 8月31日番學   哈哈 ~~~~

今朝食沙爹牛肉麵餐   果 pat 沙爹牛肉好恐怖   d 芡一 pat 嘢咁   之後 8 卦又係食沙牛米   佢都話唔會再黎呢間食   真係好唔掂囉   之前唔係咁架 ~



菇場勁忙呀   不過都好   時間過得好快   同埋我都係鍾意有嘢做嘅感覺   同埋大粒喺度   比佢見到妳做嘢都好睇 d 嘛   嘩哈哈哈 ~

Lunch time 去銀行入票   之後就番菇場食營養餐   好味道呀   哈 ~



仍然勁忙呀   忙到 4 點先搞掂   攰到爆炸 @@

放工即走   但落好大雨呀   成對鞋濕哂   好在真係番屋企   如果去街就慘啦   "up"住哂對腳 ~~~~

抖陣就煮嘢   今晚徑唔到步   所以要早食飯   早 d 消化   呵   其實煮完都已經 7 點 lu ~   

是日懶餐 - 蕃茄什豆辣肉腸螺絲粉

蕃茄什豆辣肉腸螺絲粉 - 上上星期買咗好多蕃茄   剩番 3 個都要清埋去啦   個樣已經老過我喇   勁縐皮呢   咁加埋 2 條辣肉腸   今次真係好求其煮   估唔到好好食   我無煎 d 辣肉腸架   咁煮蕃茄蓉嘅時候   加多 d 水再煮熟 d 腸咋   反正都撈埋一堆食   脆皮唔脆皮都唔重要呢   呢排唔係火腿就辣肉腸   救命   食到有 d 驚   咁辣肉腸其實 31/8 到期   依家仲剩番 4 條   又整 pizza 先   哈哈 ~

洗埋嘢就沖涼   之後都休息 lu ~

里奧大人差唔多 10 點番到黎   叫佢快 d 沖涼   因為 10 點半無水 ~~~~

今晚我 11 點唔夠都瞓喇   其實好奇怪   我一覺瞓天光   但有時都覺攰咁   不過有時 11 點幾先眼瞓嘛   所以又早唔到瞓   丫 ~         

沒有留言:

發佈留言