住家飯 @ 家姐屋企 ( 9-MAY-2019 )

冬菇金針雲耳蒸雞 - 好耐無食呢個餸了

釀豆卜 - 正呀

炒通菜 - 工人加指天椒炒   佢一路炒   我同 Berry 一路打噴嚏    啲指天椒勁辣呀

臘腸 / 潤腸 - 好味呀   今晚涼涼哋食呢啲就啱喇   哈哈

西洋菜魚丸湯 - 我同家姐講話   如果我煮菜湯就一定唔會炒菜   是但一樣有菜就可以   但家姐話姐夫唔會咁喎

( 9-MAY-2019  THU )

感恩一覺瞓天光   因為尋晚唔夠瞓   手指開始痕   好驚濕疹   因為次次唔夠瞓   實會手痕   嚴重嘅係爛臉呀 ~

早餐食腿蛋治   我依家都會落胡椒粉喺啲蛋上面   咁樣先有啲味   哈哈 ~

我遮住哂啲字叫家姐估係咩 ?!   我話送比妳呀   家姐答話係比 Berry 咬嘅骨骨   笑死我

食食下就收到表弟好消息   真的感謝神聽我哋嘅禱告   Amen ~

菇場忙呀   樣樣都話趕   好在夠精神做   哈哈 ~

好搞笑呀   彤彤居然瞓到 Berry 張床仔   連里奧大人都覺得呢張相好搞笑呀

Lunch Time 出去   落到樓下先知唔記得拎銀包   溫總即刻想拎銀包出來比錢我呀   不過我話我個袋係會袋定三百蚊   因為有次出去食 Lunch 真係無帶銀包   好在餐廳叫我食完先番去拎銀包咋   自此之後   基本上我所有會用嘅袋   都會放定三百蚊   唔記得帶銀包又想買嘢都唔駛驚呢 ~

買埋大樹菠蘿再去買酸辣米線   番到菇場第一時間用 3 個密實袋包住大樹菠蘿   好感恩係今次大樹菠蘿唔係一大片咁比我   咁我就可以放喺密實袋呢   哈哈 ~

包到好似手榴彈咁   之後仲喺張枱度噴埋花露水   絕不能夠有大樹菠蘿陣味呀   哈哈

仍然忙呀   咁都好   今晚肯定好好瞓 ~

里奧大人今日去醫院探佢家姐   但喺大埔咁遠   佢都叫我唔好探   咁我就去家姐屋企喇 ~

感恩 6 點鬆啲就到家姐屋企   一到門口已經聽到狗吠聲   原來係 Berry   我話成隻老牛聲咁嘅   朱朱嗰時吠係好高音㗎   B 仔佢哋就好老牛聲   所以我成日覺得狗仔同狗女嘅吠聲係有分別㗎   哈哈 ~

Berry 同彤彤一齊歡迎我   我又係第一時間洗手   之後阿 Berry 姐係咁衝埋嚟撲我   撲咗幾次   又唔知自己大力   好似發咗顛咁   但一想抱佢   佢就即彈開 ~

無啦啦又咬我手喎   最勁係咬住張床仔同我扯   之後又咬爛埋對拖鞋   係咪真係似發顛吖   哈哈 ~

玩完一輪我就要整大樹菠蘿   工人好出奇係我整   我話驚佢唔識拻   我都要拻成 10 分鐘㗎 ~

大樹菠蘿真身

呢度只係 $40 咋   家姐估 $120   因為佢喺百佳見到係一盒 6 粒係 $30   哈哈

坐我隔離又好似幾乖咁喎

彤彤走埋嚟   佢好得意㗎   成日用個頭托起我隻手   要我摸佢

Berry 顛咗   無啦啦又咬我   依家牙仔無咁尖   都無咁痛

之後彤彤婆婆又走埋嚟   直頭將個頭托落我大脾   好得意呀

呢隻就係咁咬個 Cushion 角   已經爛哂 lu      

咁睇就唔似咬嘢喇   仲好似好嗲咁添

一落地又想咬枱腳

7 點 15 分開飯   今晚得我同姐夫同工人一齊食咋   家姐要 9 點先番到屋企 ~

食飯期間   彤彤無啦啦要我摸佢   Berry 姐就係咁咬枱

比姐夫打完同鬧完   之後扮哂乖

食完又同姐夫傾偈   8 點幾工人就帶彤彤出街   Berry 就喺度飛來飛去   好想出街咁款   不過我唔敢帶佢出街㗎   佢勁大力   我都扯佢唔住呀 ~

無啦啦灘喺地下

之後瞓埋覺   又幾搞笑喎

一聽到狗吠聲就望出去

我唔知佢喺梳化底   之後見佢伸個頭出來   嚇鬼死我

無得出街   坐立不安   哈哈

咁無得出街梗有啲唔開心啦   全程啤到我恆一恆   關我咩事喎 

望我都無用   我唔敢帶妳出街呀 

家姐差唔多 9 點番到屋企   最搞笑我見彤彤同 Berry 企喺露台   咁我諗住出去陪佢哋啦   點知就見到家姐番嚟   家姐話以為我開 Cam 見到佢番緊嚟   所以望住佢   哈哈 ~

等家姐食完飯再抖多陣   佢帶埋 Berry 送我番屋企   衰女係咁嗚嗚聲   但我一落車   佢又嗚嗚聲喎   家姐話佢唔捨得我呀   我話係鬼啦   衰 ~

一入屋就見里奧大人熨衫   熨足 3 機衫再開機洗衫   佢有樣好   就係好肯主動熨衫   不過我今晚都熨唔到衫   隻手仲痛呀 ~

今晚都攰   11 點幾都瞓喇 ~