魚兵衛壽司 + 泰式酸辣鳳爪 + 酥炸魷魚鬚 + 避風塘燒雞翼 + 焦糖芝士蛋糕 (外賣) @ 家姐屋企 ( 10-NOV-2019 )

魚兵衛壽司 ($132) - 特價又抵食喎   同埋啲飯都 OK 呀

泰式酸辣鳳爪 ($49.9/大) - 都好多隻鳳爪   同埋都幾酸辣   好味道

酥炸魷魚鬚 ($50.8) - 睇錯 $13.9/100g   所以要 200g   原來係 $24.9/100g 呀   呢度接近 $55   好貴呀

避風塘燒雞翼 ($30) - 好奇怪有孜然味   但同時又辣辣哋

焦糖芝士蛋糕 ($58) - 喺 A1 買㗎   估唔到都好味道   下次有機會會再買嚟食呢

家姐話點解張枱有沙糖 ?!   之後發現原來係由個蛋糕上面跌出來呢

好味呀   係我鍾意嘅口感   今餐食得好滿足呀

家姐同事整嘅馬蹄糕   又係好味道  尋日家姐已經問食唔食   點知今日點都要食   哈哈

痴線婆成晚就係咁樣伏落張枱度   不過我地唔會比人嘢佢食   最多只係比生果

( 10-NOV-2019  SUN )

今朝早過鬧鐘 5 分鐘起身   諗住早起早啲食早餐啦  點知搞呢樣嗰樣   仲比原先時間遲咗出門口   所以食早餐都要快   唉 ~

家姐話我都好鍾意食腸粉   哈哈   我話得 15 分鐘食咋   今朝仲要飲凍飲添呀   因為杯熱飲係超勁熱   我唔想飲到成身汗 ~

番完學   就同里奧大人一齊崇拜喇 ~

2 點幾走人   食埋下午茶先番屋企 ~

今日得家姐一個人喺屋企   所以我話陪佢食晚餐啦 ~

番到屋企都 4 點   開埋機洗衫   抖多陣都出門口喇 ~

我自己去一田超市買嘢食   搞掂哂再同里奧大人一齊搭車去家姐屋企 ~

一入屋   Berry 好驚里奧大人呀   但之後坐低咗又無嘢 ~

里奧大人話 Berry 精神病嘅   因為上次咬到佢好痛呀   哈哈 ~

不過今晚 Berry 真係黐咗總製   我一擺食物上枱   佢已經係咁索係咁舔   之後仲全程伏喺枱面   最後神不知鬼不覺   食咗條雞翼骨   好在我發現   家姐又身手快   但衰女已經食咗半條   我哋話囉   里奧大人將條雞翼骨擺得太近枱邊   衰女其實虎視眈眈好耐   張枱嘅 4 邊都索勻咁滯 ~

Berry 依家唔比人抱   但家姐過手仲比里奧大人抱   居然可以成 1 分鐘   仲好乖添喎   咁做咩唔比我抱架   嗚嗚 ~

6 點半開餐   食下傾下都 8 點幾   勁開心 ~

今晚 9 點左右走人   家姐車我哋番屋企   如果 Berry 細細隻就好啦   可以跟埋車呢 ~

10 點半番房瞓自己床仔   今晚都應該好攰架喇   全晚係咁昅住啲嘢食   哈哈

番到屋企即大清潔廁所   再沖埋涼就休息喇 ~

今日好攰   11 點就瞓喇 ~