潮家海鮮酒家 @ 九龍灣 ( 2-NOV-2019 )

豬嘜流沙包

片皮鴨 2 食

紅棗糕   都少少煙棧   不過無紅棗味

( 2-NOV-2019  SAT )

今朝 7 點 50 分起身   里奧大人話陪我食早餐   我話唔駛喇   快啲瞓啦 ~

咁我沖完涼換埋衫   佢話都係陪我食早餐   話食完再瞓   仲即刻換哂衫   咁好啦   嘻嘻 ~

菇場唔忙   西瓜居然無番工   實在太好   佢成日碌嚟碌去好煩   哈哈 ~

Berry 有對飛機耳

放工即走   搭小巴去新都城   等咗 20 分鐘車又塞車   2 點先到呀 ~ 

咁家姐拎錢   之後去街市買餸   佢叫我行住街市等   第一次行住街市等人   哈哈哈哈   不過冷氣好凍呀   第一次行街市凍到想走人   哈哈 ~

家姐話想滾湯   問我多數滾咩 ?!   我話節瓜湯呢啲囉   之後佢想滾勝瓜湯   但我哋覺得啲瓜唔靚 (懶勁)   之後再問我仲有咩滾湯好 ?!   我話蕃茄南瓜紅蘿蔔湯   佢好開心話好呀   未試過滾呢啲湯   又話叫我教工人   我話好易之嘛   咁我揀蕃茄係逐個揀   又係咁話我好勁   我話勁咩鬼呀   揀無爛嗰啲之嘛 ~

買完就去食 Lunch   我只係話唔食湯粉麵   其他都可以   哈哈 ~

去四季。良晨食台灣嘢   因為我好想食鹽酥雞呀 ~

鹽酥雞排滷肉飯 ($58) - 鹽酥雞排麻麻哋

麻辣牛肚麵 ($51) - 家姐要大辣   但我哋覺得唔係好辣囉

食完就去茶湯會買杯鐵觀音珍珠奶茶   再去廣良興買零食   之後就開車番家姐屋企 lu ~

Berry 姐熱烈歡迎我呀   撲到好大力   堅驚佢   哈哈 ~

其實番到屋企都差唔多 4 點   抖多陣就教工人滾湯   工人比把菜刀我切蕃茄   我話有無細刀呀 ?!   最後我都係用較剪蕃茄   我直接喺煲入面剪   啲汁唔駛彈哂出來 ~

我自己屋企滾湯係用細煲   佢哋用嘅滾湯煲 = 我煲湯嘅煲   勁唔識預份量   所以我話唔好咁多水住   寧願慢慢加   唔係無哂味 ~

我話呢個湯超易滾   下次再滾比佢哋飲   家姐不知幾開心  哈哈 ~

無啦啦又瞓梳化底   係咪驚我呀 ?!

一話食嘢就醒哂

啡色眼睛好靚呀

又啤啤共

佢個樣同把聲   真係好男仔

搞掂哂就同家姐傾下偈   又睇下電視   又捉住 Berry 姐玩下 ~

Miss 話佢一定要放電   所以喺屋企成日走唔停   咁夜晚就會好攰㗎喇   同埋如果佢出去散步   番到屋企係灘喺地下   可能出街驚得滯   所以特別攰呢

今日 Berry 姐全日出現喺我面前呀   可能家姐喺度   上次得我喺廳   衰女包唔理我架 ~

家姐比咗生果我   我話放入食物袋   一次放埋落我個袋度就可以   點知走嘅時候   原來都好重   我驚整爛我個袋呀   所以叫家姐比個細冰袋我裝住好啲   哈哈   家姐啤住我話麻鬼煩   一早都話另外比個袋我啦   哈哈 ~

去到接里奧大人放工   之後就打的去食飯   今晚即慶同九龍姑奶們食飯   本來諗住去唔到   但里奧大人準時放工   咁我咪話囉   我直接去酒樓好過啦 ~   

估唔到家姐咁鍾意飲   仲特登影比我睇   姐夫都話個湯好飲同好甜

8 點 15 分左右去到   9 點幾食完   即打的番屋企 ~

之前想食林柿同金奇異果   今晚願望達成喇   哈哈

沖埋涼就睇陣 Youtube   里奧大人 11 點都瞓喇   我就 12 點先瞓   哈哈 ~