( 24-FEB-2020 MON )
今朝 4 點起身 沖埋涼關好哂所有制 祈禱完畢就預備出發 ~
今次個的士司機講嘢好溫柔 又有禮貌 真係好少見 ~
佢落車幫我拎行李 仲叫我小心重 其實應該係我叫佢小心重啦 哈哈 ~
今次真係人影都唔多隻了
入去一號客運大樓喇
無咩人喎 唔知入到去係點呢 ?!
職員要睇登機証及証件
順利進入機場 哈哈
5 點入到機場 都好少人喎 我估真係受疫情影響 ~
現在時間係早上 5 點 06 分
點影都得 哈哈
仍然好有新年氣氛
唔知太興係無開定未開 我仲同里奧大人講話佢可以食厚切餐肉公仔麵添
泰航 Counter 都未開 哈哈
第一次戴住口罩去旅行 真係一個幾特別嘅經歷
職員準備就緒
里奧大人今次帶好少衫去曼谷 因為佢預咗買新衫 之後即洗即着 佢都叫我唔好帶咁多衫過去架 但我話一陣買唔到咪無衫換囉 ?!
無得去太興食早餐 咁就離境先 lu
另一邊都無咩人喎 以往一定唔會咁 希望疫情快快消失啦
去旅行喇 勁興奮 哈哈
自助形式都好方便
雖然係朝早 5 點半 但我堅持要去食早餐 哈哈 ~
行去睇下有咩好食
無人坐啊 第一次見到咁情況
莆田嘅宵夜套餐價錢好貴呀 最平係糉 但我唔想食囉
原來價錢唔包飲品 單買 1 杯咖啡要 $28 我覺得貴呀 所以我唔飲
扁肉湯配煎包 ($58) - 又係好味道呀 呢餐雖然貴 但我覺得值呀
我鍾意食燕皮餃
呢杯茶好熱 勁啱我 飲完個身好暖
食完喇 都仲係無人
臨去閘口前就去洗手間 清潔姐姐問我去邊 ?! 我話去曼谷 佢叫我玩我開心啲呀 真係第一次有清潔姐姐咁問我咋 ~
我每次去 T1 都習慣喺度影一張相 雖然完全無特別 但我一見到佢就會好開心 哈哈
落去坐無人駕駛
家姐特登叫同事買 4 個 NF94 口罩比我哋坐飛機用 佢今次都擔心我哋呢 佢話戴住會好焗 但我又唔覺喎 平時口罩一吸氣 連口罩都吸埋 呢個就唔會 不過咁貴 只係坐飛機用就可以了
我地搭 7 點 45 分嘅機 所以 7 點 10 分就到閘口 ~
好好天氣
都唔係太多乘客咁噃
可以落去睇下就好喇 哈哈
一上機就戴番副眼鏡 咁就唔駛怕自己會摔眼啦
我哋坐泰航
里奧大人一定比窗口位我坐呢 因為我鍾意睇雲 同埋佢一定瞓覺 哈哈
里奧大人之前已經幾次 Remind 我 話上機唔好瞓 我就話喺飛機上唔好去廁所 點知佢兩樣都做齊哂 呵呵 反而我就堅持到喎 不過今次真係唔眼瞓又唔需要去廁所呢 ~
其實我都諗住自己會好攰 始終又瞓得幾個鐘 估唔到又好 OK 喎 感恩感恩 去旅行真係特別精神 哈哈 ~
我個人覺得戴口罩同眼鏡已經好足夠 太重裝備反而會令自己更加緊張
07:50am 準時起飛喇
曼谷 我來喇
以前坐飛機 一上升就好驚 仲會捉實椅柄 但依家唔會 lu 可能依家顧住影相 哈哈
我覺得算影得清㗎喇
天地海 全部齊 哈哈
望住山同海 我真係覺得有種好寧靜嘅感覺 每次必講
見到背山面海嘅住宅嗎 ?!
進入雲海最開心
好似喺冰川上面咁
只有藍同白 感覺好舒服呀
我好怕填 Form 的
呢個飛機餐 最好味係乳酪同果汁
Coffee or Tea
呢張相 好似坐喺洗衣機出面望住架飛機咁 哈哈哈哈 疫情關係 好多人用洗衣機同廁所板扮坐飛機 好搞笑㗎
又望下出面啦 無咩幾何嘛 其實我係試下用其他 Mode 影相 但好似張張差唔多 哈哈
應該進入曼谷了
到曼谷喇
泰國時間 9 點 37 分安全降落 好想快啲去食嘢呀 哈哈 ~
見到 BKK 機場嗎 ?!
好掛住你呀曼谷
我哋完全無睇指示 見人行就跟住行 無哂警覺性 哈哈
廣告牌: 守護海洋 拒吃魚翅
當地時間 9 點 50 分
過關無咩人呀 我要除眼鏡又要 Scan 手指 呢下我搞咗好耐 因為成日 Scan 唔到 咁職員講嘢超級細聲 佢講 Boarding Pass 我以為聽錯 所以叫里奧大人埋嚟聽啦 佢話係叫我除低 Mask 呀 咁我除低 Mask 啦 但職員仍然講 "xxx 時" 之後佢先大聲啲啲講 Boarding Pass 呀 ~
佢戴住口罩又細聲 其實真係聽唔到佢講咩 咁 Pass 同 Mask 又差唔多音喎 真係笑死我呀 平時我同里奧大人一齊行上前家嘛 今次只可以一個人行上前 所以里奧大人無比 Boarding Pass 我囉 就係咁衰咗喇 哈哈哈哈 ~
搞掂就即去拎行李
開心開心非常開心
中國加油 PRAY FOR CHINA
拎埋行李就去 Klook 拎電話卡 呢樣先緊要呀 哈哈 ~
差唔多行到最入先見到 KLOOK 好在橙色 Logo 夠 Sharp
拎完電話卡之後 我話睇下兌換店價錢 頭先第一間係 3.59 我話出面應該 3.80 咁我再行前睇到係 4.02 里奧大人即話兌換 HK$3,000 (12,060B) ~
我哋行來行去呀 因為想搵兌換店 好在可以推車仔放行李咋 唔係推住行李都幾辛苦
兌換 HK$3,000 (12,060B)
之後又再行番去 KLOOK 嗰邊睇睇 (做咩頭先唔睇埋嘅) 原來有幾間都係 4.02 所以再兌換 HK$2,000 (8,040B) ~
里奧大人成日當我細路仔咁 成日叫我去試下兌換錢 搵我笨
兌換率仍都係 4.02
兌換完錢就即刻去搭的市喇 今次應該唔多人搭的士㗎喇 ~
我以為發生咩事 有咁多警察 原來係保安員
10 點 50 分到的士站 里奧大人話坐大的士呀 ~
去的士方向又係無咩人
的士站有 REGULAR TAXI & LARGE TAXI
張 Ticket 會有 Lane Number 所以唔會上錯車
司機好主動幫我哋放行李上車
呢架的士都乾淨
一開車就叫司機 Meter 但佢話 No Meter 仲比個 List 我哋睇 車費係 800B ~
咁佢又話唔停得車 我哋焗住坐啦咁 唉 以前喺機場坐的士 全部都係計 Meter 家嘛 咁今次當買一次經驗 (教訓) 啦 ~
條氣係有啲唔順 但算啦 疫情關係無人來曼谷 比佢賺下啦 無謂影響自己心情嘛 雖然心在躺血
灰黑色嘅建築物設計好特別呀 好似數目字 7
另外 1 條 Toll 但唔記得幾錢添
之後再另一條 Toll 我只記得要比 3 次 Toll 嘅費用 但實質價錢就無印象了
差唔多到酒店喇
今次我同里奧大人都無帶相機呀 因為無咩特別嘢要影 同埋唔帶相機真係舒服好多㗎 個袋無咁重呢 ~
我真係好鍾意白色 Tuk Tuk
仲有唔同顏色嘅燈
乾乾淨淨 整整齊齊 真係好緊要
之後佢哋話 Last 兩日可以 Upgrade 咁我哋唔轉喇 好怕轉來轉去 ~
坐喺度等里奧大人換衫換褲 好在無人游水咋
曼谷比我想像中無咁熱 唔知係咪仲係 2 月關係呢 ?!
雖然氣溫 30 度 但我覺得無香港咁熱
出發去食 Lunch 喇 我呢幾日肯定好開心 因為早午晚餐都可以同里奧大人一齊食 嘻嘻
我唔係幾敢食呢啲雪糕雪條
有人幫佢買彩票 之後佢就錫自己隻手
次次去 7-11 我一定睇雪糕雪條㗎 實在太多款式好吸引 唔食就咁睇下都開心
再去 Boots 睇嘢 我買咗 1 Pack 蜈公糖比里奧大人食 佢問有咩好 我話平呀 食粒先啦 哈哈
呢個就諗下買唔買好 因為屋企仲有
蜘蛛俠出場喇 只此一次 哈哈哈哈
開餐喇
Papaya Salad with Grilled Pork Neck Dried Shrimp & Peanut 青木瓜沙拉加碳烤豬頸肉, 蝦米, 花生 (180B) - 已經要少辣 但都好鬼辣呀
Sticky Rice 糯米飯 (25B) - 呢間嘅糯米飯係甜甜哋又煙煙韌韌 就咁食都好好味
Mango Smoothie (100B) - 勁正呀 又夠芒果味 但因為我要留肚飲茶式奶茶 所以叫 1 杯飲品算喇
沒有留言:
發佈留言