泰瘋狂 @ 曼谷。泰國 DAY 2 (PART 2/2) ( 25-FEB-2020 )

( 25-FEB-2020  TUE )

難得嚟到 Thong Lo 區   點都唔可以咁快走住   哈哈 ~

見到藥妝又行下

我其實今次想買洗衣液㗎   因為上網睇到啲人話好香

香體露已經同香港差唔多價錢了   咁唔需要特登買囉

頭先細樽只係 95B 咋   依家先知原來有紅綠藍色 Label

呢個光頭仔好得意

臨走再去買棉花糖同日式炒麵   買完就 Call Grab Taxi 番酒店 ~

好有氣勢

Car Parking 3 HR 只係 20 BAHT   即係 HK$4 咋

到此一遊

我地由 3 點 50 分坐到 4 點 20 分   唔記得呢個時候塞車添 ~

好多白色嘅車

好塞車呀

Grab Taxi

一停車就睇 Youtube

中國加油 / 武漢加油

我見司機拎暖壺出來倒杯水   真心佩服佢   咁熱仲飲熱水

地盤放工 ?!

番到酒店   抖咗 20 分鐘就坐 Tuk Tuk   今日去 Terminal 21   要搭 BTS 站去 Asok 站 ~

酒店真係好光猛   係我鍾意佢原因之一

所有設計都係淺色   就算唔開燈   都唔會覺得陰陰沉沉

好難得成日會見到酒店 Tuk Tuk Stand-by

我已經唔係高   但坐 Tuk Tuk 都覺得辛苦

佢一轉右彎   我即坐左邊平衡番   咁就無咁易反車   哈哈哈哈

好多個司機   哈哈

里奧大人話買支番酒店噴喎   我話尋日唔買今日買   做埋啲嘢真奇怪

呢個牌字嘅 Nourishing Body Butter 好香   雖然買一送一   但 780B 都係貴喎

居然無乜車

現任泰皇

@ 25/2/2020

曼谷成日都塞車   所以搭 BTS 係最穩陣

只記得三生三世 xxx

去 TERMINAL 21 方向

好多花花裝飾   因為之前係情人節呢

5 點半左右到 T21   第一件事係去拎 Tourist Card   有 5 % Discount 都好 ~

好多商場門口   都會有職員幫客人量體溫   我其實勁驚㗎   始終天氣熱   我本身又體溫高呢   37.x 度真係等閒事   哈哈

老花呀大佬   完全睇唔到啲字

周圍行下先   之後去食奶茶雪糕   明明地址係 G/F   兜咗兩個圈都唔見   但見啲人拎住杯奶茶喎   感覺唔似喺出面買囉   之後再行去 Gourmet 睇下   原來真係喺附近   好開心呀 ~

第一次認真望 T21 設計

成個商場都好乾淨

原來仲有幾個石像

好耐無見呢啲香蕉片

椰子片都幾香椰子味   但我食完喉嚨好痕   食椰絲又係咁

里奧大人想買呢啲軟曲奇   但想留番聽晚食   咁我話唔好買喇   新鮮食先好味嘛

見到有嘢食嘅地方就最開心

試食都好大件   我以前好鍾意食泰國米通   有啡色醬喺面嗰啲呢   但之後覺得好甜   所以好耐都無買來食了   但今次再食番   又好想買來食喇

178B 有 12 包都抵   我覺得 Watson's 平過 Boots

我好期待食呢杯奶茶雪糕   但食第一啖係覺得無奶茶味   我唔敢同里奧大人講   驚佢會 "形" 住   之後問番佢   佢都覺得無奶茶味呀

食完有氣有力   即去睇嘢喇   買衫買鞋買買買   我第一次自由行嚟 T21 就係咁買買買   之後再嚟就無咩想買   估唔到今次嚟又好想買嘢   所以好開心   因為有目的   哈哈 ~

真係有人大份過部電單車   哈哈哈哈

好得意

芒果糯米飯正呀

呢期好興呢個 Milk Cream Bun   所以好多人排隊買

落完又再上番去睇嘢

我同里奧大人話行男裝部先啦   但佢話陪我行女裝部先喎   咁我唔客氣喇

好鍾意呢啲衫   但真係只能望不能着   哈哈哈哈

買咗呢件   因為里奧大人話好睇   而我仍都問清楚店主係咪 Free Size ?!   佢話係先買   哈哈

之後再買多條褲   依家好多地方都有支付寶付款   不過我喺泰國都係多數比現金   唔駛煩嘛

2 For 300B 無理由唔買啦   質地又 Soft   我之前喺香港買一條   特價都要 HK$99

想買鞋   咁就入去睇下

640B 貴呀   但都買咗一對   因為我好鍾意呀

見到男裝就即刻去睇睇

完全觸摸到客人心態   買 2 件抵啲   但買買下就會覺得買 4 件更抵

細心再睇   先知道原來每個系列嘅價錢係唔同呢

1x120   但 3x100   估唔到里奧大人可以買到 3 件唔同款   咁嘅價錢真係平過底衫

影完再比里奧大人睇   拚 Tee 就簡單好多   因為本身着 Casual Wear

里奧大人拎住一袋二袋仲要去比錢   佢成日話個袋唔重   但係都唔比我拎

幾年前嘅中午去過呢間 coffee Today   仲睇到出面啲白鴿   感覺勁 Relax

繼續行

3 個布袋仔只係 100B   所以買咗 6 個

又好認真睇   咁即係代表好鍾意

高達 ?!

佢睇咗好耐   我話鍾意就買啦   同埋話呢件收藏都唔錯呀   佢先肯買   真係叫佢買嘢仲難過叫佢唔好買嘢   哈哈

店名唔知係 Olut 定 Clut

疫情個個都唔想   所以不論任何國籍膚色   都要為疫情重災區打打氣呢

銅像

如果係人扮嘅   佢無啦啦嚇我   我肯定大叫   之後會第一個打里奧大人   因為我知佢一定喺度大笑   哈哈

ONE PIECE

諗住去 Wacol 買 "爸爸"   間店唔係大   居然都有 9 個職員   但得 1 個喺度招呼人   其餘就睇電話   我入去睇都無人理   感覺唔想做咁   不過我都睇唔啱   所以都好快睇完 ~

我習慣自己一個去睇 "爸爸"   所以會叫里奧大人去其他地方睇嘢   搞掂哂就再 Call 番佢呢 ~

最搞笑行行下   里奧大人話今次妳買唔到嗰啲嘢呀 ?!   我話買唔到邊啲嘢呀 ?!   佢話 "爸爸" 呀   笑死我咩   駛唔駛用 "嗰啲嘢" 嚟形容呀   哈哈 ~

我鍾意呢個袋   但里奧大人話唔好買

雖然我為食   但未至於着衫都要見到冬蔭功同蠔餅   哈哈

我覺得隻貓唔係咁得意

貓眼太大喇   有啲恐怖

終於比我買到 Beauty Cottage Victorian 嘅香水喇   勁開心

4 款唔同嘅味道

510B (Buy 2 Get 1 Free) 確實吸引   所以買咗 6 支

右手邊 (隨身香水) 又係抵   所以又買 3 支

拎住呢個袋   真係離遠 9 條街都見到妳呀

紙巾盒靚   但唔係咁好用   因為拉鍊好難拉

去過 T21 幾次   真係完全無望過周圍環境   今次終於見到呢架巴士   哈哈

巴士入面係商舖   咁嘅設計又真係幾特別

另一邊係火車頭嘅設計

上次喺 ZEN 見過   我覺得啲雪條唔太吸引

里奧大人拎哂所有戰利品   辛苦他了

8 點左右去市集買晚餐   呢幾晚都可能係買晚餐番酒店慢慢食   始終疫情關係   盡量唔去人多嘅食肆 ~

Gelato 價錢真係好平   但頭先食咗奶茶雪糕   真係唔可以食咁多凍嘢囉   同埋食 Gelato 都好飽下

望見都開心

又見到佢喇   感恩感恩   今次買細包算喇   兩次買大包同家姐 Share   但未食完都腍咗   我寧願少食多滋味

串燒 4 Free 1 係抵   但呢啲唔係咁啱我

好多都係串燒檔

我覺得泰國嘅魚蛋同豬肉丸都好好味   一於幫襯佢

即叫即燒   佢一路燒一路同我傾偈   其實我想佢專心啲

一大煲嘅沙爹醬汁

里奧大人話檔主話 One Hundred 就可以   唔知點解呢 ?!

好得意呀

個場唔算好多人

佢好好笑容   同好有禮貌

以前一定咩都買 L Size   依家唔會喇

頭先試食嘅泰國米通   依家見到反而唔想買   哈哈

呢度都有得試食

我要食炸雞   里奧大人話我一定買辣   哈哈   我買咗 Winggettes & Drumettes (翅根 & 根中) (Spicy) (125B/ 6件)

再入去 gourmet market 買飲品

我買香港無得買嘅飲品

買完搭 Taxi 番酒店   佢開價 120B   里奧大人話咁照搭啦   唔想等 ~

番到酒店沖埋涼就開餐   原來已經 9 點喇 ~

今餐樣樣都好啱我食呀   勁開心

外脆內嫩勁好味   但超級超級超級辣

我鍾意食   所以覺得樣樣都好味呀

Fried Fish Ball (60B) - 咁樣無咩吸引

淋咗醬汁係咪吸引好多呀   哈哈

芒果糯米飯都好味道   但要抖陣先食

象啤都幾啱我飲   因為味道偏淡   哈哈

呢罐一陣藥水味呀   哈哈哈哈   呢兩次試新飲品都出事

T21 嘅 Tourist Privilege Card & 贈品

買咗一大袋   呢個環保袋非常好用   最緊要係迷彩款式   男人拎上身   不知幾咁型呀   哈哈

我覺得可以放好多嘢

無呃你㗎   我哋放哂呢啲入袋㗎   係咪放得多嘢先 ?!

食完就影手信   再睇下戲   勁 Relax ~

今日買咗好多嘢呀

見到個鐘係 11 點 10 分   我好大聲同里奧大人講話我生日呀   因為已經係香港時間 12 點 10 分嘛   佢話以為咩事咁緊張   哈哈 ~

今晚 12 點先瞓呀   其實因為好飽   所以唔想咁早瞓住 ~

呢日行程完畢 ^^